Зошто не треба да ги покривате рацете на детето со крпа откако ќе излезе од базен? (видео)

Според инструкторка за пливање, кога сте на базен со вашето дете, немојте да му ги покривате рацете со крпата – во случај да падне во базенот, мократа крпа ќе му ги зароби екстремитетите.

Ники Скарнати од САД е сертифицирана инструкторка по пливање за деца.

На ТикТок ја следат над 15.000 корисници, а одвреме-навреме споделува и совети за родители.

Во едно од нејзините видеа, Ники објаснува зошто не треба да ги покривате рацете на вашето дете со крпа откако ќе излезе од базен.

Ники вели дека и самата ја правела оваа грешка, пред да сфати дека може да биде опасна.

„Ќе ви покажам како правилно да ја замотате крпата околу вашето дете. Сум го видела ова многупати, а и јас како родител го правев без да сфатам дека е проблематично.

Кога децата ќе излезат од базен, сакаме да ги завиткаме во крпата. Но, ако паднат во базенот, нивните екстремитети ќе бидат заробени под мокра крпа.

Па, кога ќе излезат од базенот, исушете им ги рацете, но ставете ја крпата под нивните раце. На овој начин, ако завршат во водата, сепак можат да ги користат екстремитетите за да се спасат и се многу побезбедни“, вели таа.

@nikki.scarnati

Thats right! Make sure your towel is UNDER your littles arms. NOT on top. Follow along for more water safety content 🥰 #selfrescue #selfrescueswimming #selfrescueswim #watersafety #drowningpreventionawareness #drowningprevention #springhillisr

♬ original sound - nikki.scarnati

Во коментари, некои родители се согласуваат со мајката, а споделија и друга причина зошто Ники е во право:

„Исто така, ако се сопнат, на овој начин ќе можат да се додржат на раце пред да паднат на земјата“.

„Можам да потврдам дека ова е точно. Кога имав 2 години, паднав во длабокиот дел од базен со крпа врз рацете и мораа да ме спасуваат“.

„Одлична идеја! Јас му купив мала бањарка на син ми, па неговите раце се покриени, но сепак е подвижен“.

Спирова С. | Црнобело