9 причини зошто животот на Малдиви е тежок (и е далеку од рај за локалците)

Храната што ја јадат локалците е еднолична, основните трошоци можат да бидат многу високи, а водата е ресурс што речиси и го нема – животот на Малдивите е далеку од совршен.

Малдивите се дестинација за којашто сонуваме сите.

Плажите, океанот и топлото време се само дел од работите што ги прават овие острови привлечни.

Но, додека летувањето на Малдивите може да биде совршено, животот таму е многу поразличен и потежок.

Докази дека животот на локалците е далеку од совршен:

Водата е скап ресурс

Малдивите се опкружени со вода, но проблем претставува водата за пиење.

Изворите на вода за пиење се малкубројни, а ситуацијата дополнително се влошува поради климатските промени.

Малдивите се едни од најниските острови се наоѓаат на околу еден метар надморска височина. Токму ова ги прави поподложни на последиците од климатските промени.

Тешко се наоѓаат секојдневни предмети

Предметите што нам ни се секојдневие можат да бидат реткост на Малдивите.

Бидејќи голем дел од овие предмети се увезуваат, или ги има малку, или се многу скапи.

На пример, на некои места обична маска за нуркање може да достигне цена од над 60 долари.

Некои предмети, пак, како отворачи за конзерви, е речиси невозможно да ги најдете по продавниците.

Истото важи и за продуктите за нега и хигиена – иако се достапни, изборот е многу ограничен.

Храната е еднолична

Генерално, исхраната на локалците се состои од риба и ориз.

Одгледувањето овошје и зеленчук претставува предизвик поради недостатокот од вода, па на Малдивите нема големо производство.

Нормално, можат да се најдат увезени продукти кои или ќе се распродадат брзо или ќе бидат многу скапи.

Што значи, веганите и вегетаријанците тешко би се снашле на Малдивите.

Трошоците за живот се многу високи

Во просек, на четиричлено семејство ќе му бидат потребни над 1.000 евра месечно за да живее во град на Малдивите.

Просечната плата се движи околу 300 евра, што значи не е ни приближно доволна.

Покрај тоа, градовите се многу бучни, дури и доцна навечер, и се далеку од мирот што си го замислуваме на Малдивите.

Продолжува на следната страница...