6 изумители кои биле убиени од нивните изуми што ги направиле славни

Томас Ендрус го дизајнирал Титаник и самиот апелирал на бродот да има повеќе чамци за спасување. Но, никој не го послушал, а Томас загинал на бродот заедно со над 1.500 патници.

Изумите на некои луѓе направиле вистинска револуција во одредени области. Но, навистина е иронично што дел од овие изумители умреле токму од нивните изуми.

Неколку од нив во продолжение:

Стоктон Раш

Сигурно веќе добро ја знаете приказната за трагичната смрт на Стоктон Раш – извршниот директор на компанија која организира тури со подморница до потонатиот Титаник.

Во јуни годинава, Стоктон, заедно со уште четири лица, вклучувајќи и 19-годишно момче, се спушти со подморница во длабочините на Атлантскиот Океан.

Според веб-сајтот на компанијата, подморницата била направена во консултација со експерти од НАСА и Boeing, а сè се работело под надзор на Стоктон.

Сепак, по трагедијата се појавија информации дека Стоктон занемарил многу безбедносни протоколи, а тоа доведе и до неговата смрт.

Томас Ендрус

Томас Ендрус бил бизнисмен и бродоградител кој бил одговорен за изградбата на бродот Титаник.

Со тим од архитекти и инженери, Томас го дизајнирал Титаник кој го опишувал како најголемиот, најбезбедниот и најлуксузниот брод во тоа време.

Добро познат факт е дека на бродот имало само 20 чамци за спасување, додека Томас инсистирал на 48. За жал, никој не ги послушал неговите препораки.

Томас бил на Титаник кога на 14-ти април 1912 година бродот удрил во санта мраз и потонал.

Тој е само една од илјадниците жртви кои загинаа во трагедијата.

Луиз Хименез

За разлика од останатите на листата, Луис Алфонсо Хименез не бил изумител, туку американски скулптор со потекло од Мексико. Но, сепак вреди да се спомне и неговата иронична смрт.

Во 2006 година, Луис работел на огромна скулптура во неговото студио во Њу Мексико, која требало да биде поставена на Меѓународниот аеродром во Денвер.

Станувало збор за скулптура на коњ, висока скоро 10 метри.

Додека Луис работел на скулптурата, дел од неа се откршил и паднал врз неговата нога. Делот му пресекол важна артерија, па Луис изгубил многу крв и бил прогласен за мртов уште пред болничарите да успеат да го однесат во болница.

Продолжува на следната страница...