6 изумители кои биле убиени од нивните изуми што ги направиле славни

Ото Лилиентал

Ото Лилиентал бил германски авијатичар кој своевремено бил познат како „летачкиот човек“.

Благодарение на неговата работа, Ото неретко е нарекуван и „таткото на авијацијата“.

Иако неговите изуми засекогаш ја променија авијацијата, тие се виновни и за неговата смрт.

Во 1896 година, Ото ја тестирал едрилицата што ја дизајнирал. Првите тестови поминале одлично и тој поминал растојание од 250 метри.

Но, за време на четвртиот лет, едрилицата се навалила надолу, Ото изгубил рамнотежа и со едрилицата паднал од височина од околу 15 метри.

Ото веднаш бил пренесен во болница каде што се утврдило дека има скршен ’рбет.

Околу 36 часа по несреќата, тој починал.

Франц Рајхелт

Фран Рајхелт бил Французин кој работел како шивач, но експериментирал и со падобрани.

Всушност, тој е еден од првите луѓе кои правеле падобрани и ги тестирале. И токму овој изум му го одзел животот.

Во 1912 година, Франц добил дозвола да го тестира неговиот падобран, и тоа со скок од Ајфеловата кула во Париз.

Околу кулата се собрале 30-тина новинари и љубопитни минувачи додека Франц собирал храброст да скокне.

Околу осум часот наутро, Франц скокнал од кулата од височина од околу 57 метри. Но, како што го отворил падобранот, тој се замотал околу него и Франц паднал на земјата и загинал.

Според записите на француските новинари, раката и ногата му биле скршени, исто како и черепот, а од носот, ушите и устата му течела крв.

Според некои извори, аутопсијата покажала дека Франц не умрел од ударот, туку од инфаркт додека паѓал надолу.

Вилијам Булок

Вилијам Булок направил револуција во печатарството, откако во 1863 година дизајнирал печатница која можела да печати и до 12.000 страници во еден час.

Но, веројатно претпоставувате дека ова е изумот којшто го убил.

Во 1867 година, Вилијам требало да инсталира една од неговите печатници за локален весник.

Додека ја местел, ногата му се заглавила во машината и се здобил со сериозни повреди.

Неколку дена подоцна развил гангрена, по што лекарите решиле да му ја ампутираат ногата.

Но, Вилијам починал за време на операцијата.

Спирова С. | Црнобело