Добил смртна казна за убиството на сопругата, иако немало цврсти докази - Бизарниот случај што е инспирација за „Gone Girl“

Во април 2003 година, телото на Ласи било пронајдено. Нејзиниот труп бил толку распаднат, што не ни личел на човечки, а рацете и нозете ѝ биле ампутирани.

Еден ден претходно, бил најден и мртвиот фетус на Ласи.

Точниот датум и причината за смртта на Ласи не биле утврдени, но според некои извори, аутопсијата покажала дека фетусот најверојатно бил исфрлен од телото по нејзината смрт.

Исто така, фетусот најверојатно умрел додека бил во телото на Ласи, но ова не можело да се потврди со сигурност.

Скот бил уапсен набрзо потоа – го нашле во близина на границата со Мексико. Притоа, пуштил брада и си ја офарбал косата, а со себе носел околу 10.000 долари кеш.

Со сето ова, Скот станал главниот осомничен – и за надлежните, и во очите на јавноста.

Скот тврдел дека е невин, а притоа го најмил адвокатот Марк Герагос кој има работено за познати и моќни луѓе, како Мајкл Џексон.

Судењето на Скот започнало дури во 2004 година.

Бидејќи немало никакви докази дека ја убил сопругата, обвинителот се фокусирал на однесувањето на Скот пред и по исчезнувањето на Ласи.

Според обвинителот, Скот имал неколку мотиви да ја убие Ласи – не бил среќен во бракот, чувствувал притисок од бременоста, сакал да ја продолжи аферата со една од жените и имал финансиски проблеми.

Детективите претпоставувале дека Скот ја убил сопругата и ѝ го фрлил телото од неговиот рибарски брод покрај брегот на Сан Франциско.

Судењето траело девет месеци, биле сослушани бројни сведоци и иако не биле најдени цврсти докази, однесувањето на Скот и сведоштвата сепак имале влијание.

Па, на 16-ти март 2006 година, судијата му одредил на Скот смртна казна.

Сепак, во август 2020 година, Врховниот суд на Калифорнија ја промени неговата казна, изјавувајќи дека за време на судењето биле направени „значајни грешки во изборот на поротата“.

Односно, Скот имал право на порота која ќе биде објективна и ќе расудува само врз основа на приложените докази за време на судењето. Бидејќи случајот бил популарен во јавноста, мислењето на поротата било оформено претходно.

Сега Скот отслужува доживотна казна затвор, без можност за помилување. Но, уште стои на ставот дека е невин.

Спирова С. | Црнобело