Говор на телото кај новороденчињата: Како да препознаете кога е гладно или болно?

Со внимателно набљудување на бебешките движења и погледи, ќе разберете што ви порачува вашето дете. Затоа совладајте го ова важно градиво - научете како да протолкувате што сака да ви каже вашето малечко со своите гестови и изрази.

Сигурно безброј пати сте посакале вашето бебе да може да ви каже што точно сака. Верувајте, бебето тоа и го прави со своето однесување. 

Тоа „зборува“ со цело тело, со постојано гледање во вашето лице, движења со устата, мавтање со рацете и нозете... Ваше е само правилно да го протолкувате тоа што ви го кажува. 

Во оваа статија ќе откриеме како новороденчињата комуницираат без зборови и ќе се обидеме да го преведеме она што тие ни го „кажуваат“. 

Дали бебињата разговараат со нас?

Според експертите за детски развој, бебињата комуницираат со говорот на телото уште од раѓање. Иако не се целосно свесни за значењето на нивните гестови, малите деца користат низа сигнали за да ги изразат потребите и расположенијата.

Плачењето, на пример, е универзален предупредувачки знак што го користат доенчињата за да изразат непријатност или потреба. Сепак, тоа не е единствената алатка со која располагаат.

Специфичните движења, изрази на лицето и звуци може да укажуваат на различни чувства и потреби, од глад до замор, од непријатност до љубопитност.

Во продолжение прочитајте како да ги разберете сигналите што бебињата најчесто ги користат за да изразат емоции или потреби.

Знаци кои укажуваат на тоа дека бебето е гладно

Многумина сметаат дека плачот е првиот знак дека бебето е гладно, но напротив, тоа е последен знак за глад. Обрнете внимание на другите, невербални сигнали кои бебето ги дава и обезбедете му соодветна и навремена исхрана.

Всушност, пред да заплачат, бебињата покажуваат дека се гладни така што: ги ставаат рацете во уста, нервозно ја вртат главата барајќи ја дојката или шишето.

Некои доенчиња почнуваат да го цицаат палецот кога се гладни, додека други испуштаат звуци со многу интензивен и упорен тон како да лелекаат.

Продолжува на следната страница...