Девојче од САД страдало од ретка болест – лекарите мислеле дека мајка ѝ лаже, 3 месеца не ѝ дозволувале да ја види, по што се самоубила

Кога на Маја Ковалски од САД ѝ се влошиле симптомите од нејзината ретка болест, родителите веднаш ја однеле во болница каде што кажале дека ѝ треба терапија со кетамин. Но, лекарите помислиле дека мајка ѝ лаже, па ја задржале Маја во болница и не дозволувале родителите да ја видат. Три месеца подоцна, мајката се самоубила, а денес Маја и татко ѝ ја тужат болницата.

Маја Ковалски е 17-годишна девојка од САД која страда од ретка болест што ѝ предизвикува болки низ целото тело.

Но, додека нејзините родители се обидувале да ја излечат, лекарите ја обвиниле мајка ѝ дека ѝ ја лажира болеста.

Не можејќи да се справи со сето ова, мајка ѝ извршила самоубиство, а сега Маја ги тужи лекарите.

Што точно се случило и како Маја ја загубила мајка си?

Првите симптоми на ретката болест на Маја почнале да се појавуваат кога имала 9 години.

Симптомите вклучувале слабост во мускулите и чувство на горење и болка. Таа имала и главоболки, чувствувала грчеви на стапалата, а ѝ се појавиле и рани на рацете.

Најпрво, во 2015-та, девојчето имало силен астматичен напад и оттогаш болните симптоми постојано биле присутни.

Родителите на Маја - Џек и Бета - отишле кај бројни лекари низ цела Америка со надеж дека ќе откријат што му се случува на нивното девојче.

Но, ниту еден не знаел што ѝ е, а некои дури им рекле на родителите дека „сè е во нејзината глава“, односно дека си ги измислува симптомите.

Конечно, доктор Ентони Киркпатрик од Флорида ѝ поставил дијагноза.

Маја страдала од ретко нарушување – complex regional-pain syndrome (CRPS) – кое предизвикува ужасни болки во екстремитетите, најчесто дланките.

Поради нарушувањето, и обичното земање крв пациентите можат да го чувствуваат како некој да ги бодe со нож.

Дијагнозата ја потврдиле уште двајца лекари, а доктор Патрик им кажал на родителите дека ќе почнат да ги третираат симптомите на Маја со кетамин.

Но, симптомите на Маја не се намалиле, па лекарот предложил подрастична мерка – таканаречена кетаминска кома.

Во овој случај, на пациентот му се дава огромна количина кетамин, за нервниот систем да се „ресетира“.

Сепак, бидејќи станува збор за опасна и експериментална процедура која не е одобрена во САД, Маја и родителите заминале во Мексико.

По процедурата, симптомите на Маја конечно се намалиле.

Кога се вратила дома, таа продолжила да прима кетаминска терапија бидејќи за болеста нема лек, туку само можат да се контролираат симптомите.

Во октомври 2016 година, Маја почувствувала многу силна болка во стомакот по што била однесена во детската болница Џон Хопкинс во Флорида.

Продолжува на следната страница...