Фрлаат бебиња од кров, жените ги венчаваат со бикови: Морничави индиски ритуали кои го згрозуваат светот

Брак меѓу деца

Во Индија законски луѓето не смеат да стапат во брак пред 18 години, меѓутоа законските ограничувања се прекршуваат, особено во руралните средини.

Склучувањето брак меѓу деца е забрането уште од 1929 година и оттогаш се донесени превентивни закони за да се уништи оваа практика.

Иако најчесто се мажат малолетни девојчиња, постојат и момчиња на кои одговорноста на бракот им е наметната уште додека се многу мали.

Фрлање на бебиња од кров за среќа

Еден од најстрашните и шокантни ритуали во Индија е познат како „фрлање бебе“, а главно го практикуваат муслиманите, иако се спроведува и меѓу хиндусите.

За време на овој ритуал, бебето на возраст од неколку месеци се спушта од кров, а луѓето стојат доле за да го фатат.

Се верува дека овој ритуал носи среќа на детето, а се пренесува од генерации на генерации.

Многу активисти и организации за човекови права е залагаат за укинување на овој ризичен ритуал за да се заштитат децата од потенцијални повреди или дури и смртоносен исход.

Брак меѓу животни и луѓе

Хороскопот игра значајна улога во индиската култура и многу детално е разработен.

Врз основа на овие фактори, на некои жени им се препишува „мангал дош“, што се смета дека тие претставуваат закана по живот на идниот сопруг.

За да се избегне тоа, шокантен ритуал во Индија е жената да се омажи за дрво.

Друг начин да се ослободи од овој „мангал дош“ е да се омажи со животно наместо со човек, најчесто со бик.

Овој бизарен ритуал исто така се користи за да се ослободи од духовите за кои се верува дека ја опседнале, посебно ако е родена со физички деформитет или некои други несовршености, како што се расцеп на устата или неправилна поставеност на забите.

Канибализам и наркоманија

Членовите на хинду сектите се познати по своите ритуали кои се прават после смртта.

Она што ги прави посебни е целосното отсуство на табуата во врска со многу работи како што се дрогата и алкохолот.

Агорите го поминуваат времето во крематориуми, мачкајќи ги своите тела со пепел од кремирани луѓе, а коските од скелетите ги користат за изработка на садови и накит.

За разлика од повекето хиндуистички светци и монаси, тие отворено практикуваат канибализам, консумирајќи месо од телата на мртвите.

Исто така се верува во моќта на црната магија.

С. Ш. | Црнобело