Фрлаат бебиња од кров, жените ги венчаваат со бикови: Морничави индиски ритуали кои го згрозуваат светот

Женските деца се сметаат за товар, па често и се убиваат додека се бебиња, се склучуваат бракови меѓу деца, бебињата се фрлаат од кров за среќа, а за зачувување на честа може и да се убие, се дел од ритуалите и обичаите во делови од Индија од кои светот се згрозува.

Индија е земја која е богата со различни култури, религии и обичаи. 

Тоа е земја на веселби и традиции, а луѓето се воодушевуваат од шарените и раскошни прослави.

Богатата култура остава голем впечаток кај туристите, а разноликоста на луѓето и обичаите ја прават место со фасцинантни откритија и искуства.

Многу од нивните обичаи и ритуали делуваат шокантно за светот, но мора да се напомене дека сѐ поголем број жители ги отфрлаат и не ги применуваат.

Ова се дел од нив:

Договорен брак

Договорените бракови започнале да се применуваат во 18 век, но во светот повеќе не се пракса. Сепак, во Индија и понатаму се дел од традицијата.

Наместо луѓето сами да ги избираат своите животни партнери, тоа за нив го прават нивните родители, далечни роднини, пријатели на роднини и слично.

Класата, религијата, племенската припадност, хороскопот и слични фактори често играат клучна улога во овој процес. 

Врз основа на овие критериуми, трето лице, обично од семејството или посредник, сигурно ќе ви го најде совршениот партнер. 

Убиство од чест

Убиството од чест е еден од најшокантните ритуали во Индија и ги одразува длабоко вкоренетите општествени норми и традиции кои често се судираат со модерните вредности. 

За Индијците бракот не е само заедница на две лица, туку и заедница на две семејства. 

Ова игра клучна улога во индиското општество.

Посебно внимание се посветува на тоа едно лице да се венча со некој од неговата каста, заедница, религија и социјален статус. 

Во случај некој член од семејство да ги прекрши правилата и прописите или да донесе срам за семејството или заедницата, семејството може да преземе екстремни мерки. 

Ова може да вклучува одрекување од тој член и отфрлање од семејството, а во екстремни случаи дури и убиство на тој што донел срам.

Оваа практика е нелегална и контроверзна, но за жал, таа сè уште се применува во руралните делови на Индија.

 

Чедоморство

Со оглед на тоа што многу семејства се под притисок да дадат голем мираз, не е ни чудо што жените често се сметаат за товар.

Спротивно на тоа, момчињата често се гледаат како носители на факелот во семејството, бидејќи го носат презимето и носат мираз.

Во некои случаи, семејствата се одлучуваат за пренатален и постнатален селективен абортус за да се осигураат дека ќе се роди машко дете, наместо да хранат и да се грижат за женско бебе. 

Има уште поекстремни случаи, како што е чедоморството, кога доенчињата се дават во млеко, се хранат со прекумерна количина сол и шеќер, па дури и живи се закопуваат.

Додека законите и кампањите за човечки права се борат против оваа пракса, промената се случува бавно.

Продолжува на следната страница...