Џефри Дамер собирал мртви животни, Тед Банди поставувал стапици: Какво детство имале познатите сериски убијци?

Тед Банди, еден од најпознатите сериски убијци, бил самотник. Не излегувал со девојки и често ги манипулирал своите врсници. Притоа, во шумата околу неговата куќа поставувал стапици – остри колци прикриени со лисја – а на една од стапиците девојче сериозно си ја повредило ногата.

Се претпоставува дека детството на сериските убијци има огромно влијание врз нивниот понатамошен живот.

Повеќето сериски убијци имале тешко детство и потекнувале од дисфункционално семејство, а добро познат факт е дека растењето во ваква околина може да има сериозни последици.

Психолозите уште трагаат по одговорот на прашањето дали убијците се раѓаат или се резултат на околностите во коишто пораснале. Но, детствата на најпознатите сериски убијци можеби донекаде го одговараат прашањето.

Какво детство имале познатите сериски убијци?

Тед Банди

Тед Банди е можеби најпознатиот сериски убиец кој е одговорен за силувањето и смртта на бројни млади жени.

Не е познато колку точно жртви имал, но самиот има изјавено дека во периодот од 1974 до 1978 година убил 30 жени.

Тој добил смртна казна и бил егзекутиран во 1989 година.

Тед бил роден во 1946 година. Неговата мајка – Луис Ковел – и неговиот татко не биле во брак. Срамејќи се бидејќи родила дете во ваква ситуација, мајка му лажела дека тој ѝ е брат.

Не е познато кој е таткото на Тед, но според изјави на мајка му, тој бил воен ветеран кој ја оставил штом останала бремена.

Според психолози кои го проучувале убиецот, најверојатно ова имало огромно негативно влијание врз него. Се претпоставува дека Тед ја дознал вистината во 1969 година и целиот живот чувствувал презир кон мајка му.

Но, уште во детството, Тед покажувал вознемирувачко однесување. Тој имал и проблеми со говорот, поради што често бил исмејуван од врсниците и не се вклопувал во друштвото.

Според луѓе кои го познавале, Тед сакал да ги плаши другите. Истовремено, честопати поставувал стапици во шумата околу соседството во коешто живеел.

Овие стапици претставувале остри дрвени колци кои Тед ги криел со лисја. Едно девојче дури и паднало врз ваква стапица и сериозно си ја повредило ногата.

Тед бил самотник и во средношколските денови. Не излегувал со девојки и притоа честопати ги манипулирал врсниците.

Џефри Дамер

Убиствата на Џефри Дамер се ништо помалку од грозни.

Тој убил 17 мажи и момчиња во периодот од 1978 до 1991 година на кои им ги сечел телата, па дури и јадел делови од нив.

Бил осуден на доживотна казна затвор, а бил убиен во 1994 година од друг затвореник.

Џефри потекнувал од дисфункционално семејство и се верува дека ова имало влијание врз неговиот подоцнежен живот.

Се претпоставува дека бил целосно запоставен од родителите, додека мајка му имала депресија, а пробала и да изврши самоубиство.

Уште во детството, тој бил фасциниран од коски и мртви животни.

Според мемоарите на неговиот татко, кога Џефри имал четири години, во дупка под нивната куќа криел тела на животни.

До 14-годишна возраст, тој развил и проблеми со алкохолизам.

Продолжува на следната страница...