„Не купувам новогодишни подароци за децата, под елка ставам предмети што веќе ги имаат“

Ангела Џексон е јутјуберка која вели дека одлучила да го „поедностави Божиќ“ за своето седумчлено семејство, откако сфатила дека давањето подароци има тенденција да го „засени“ поминувањето квалитетно време со блиските и дека повеќе биле фокусирани на материјалните работи.

Една мајка открива дека оваа година нема да купува божиќни подароци за членовите на своето семејство, па наместо тоа, планира да ги завитка предметите кои веќе ги имаат во домот и да ги стави под елката.

На нејзиниот Јутјуб канал, познат како „Arrow Hill Cottage“, Ангела Џексон вели дека одлучила да го „поедностави Божиќ“ за своето седумчлено семејство, откако сфатила дека давањето подароци има тенденција да го „засени“ поминувањето квалитетно време со блиските.

Иако нема ништо лошо во давањето подароци, како што вели таа, нејзиното семејство претпочита активности кои не вклучуваат екрани, а и не им даваат големо значење на материјалните добра.

Наместо да се оптоваруваат со барање на совршениот подарок, тие претпочитаат повеќе да се фокусираат еден на друг.

„Нема да подготвуваме подароци оваа година“, вели оваа мајка, нарекувајќи ја нејзината одлука „контроверзна“.

Оваа традиција ја започнале во 2019 година, кога Џексон и сопругот ја граделе куќата, при што им требале повеќе финансии.

„Беше многу забавно. Едноставно правевме секакви забавни работи заедно и навистина уживавме“, продолжува таа.

Следната година, кога се вратиле на класичните подароци, и притоа го компензирале недостатокот на подароци од претходната година, имале чувство дека го пропуштаат останатиот аспект од празниците и се фокусирани само на материјалното.

Откако сфатиле дека со давањето подароци пропуштаат многу други моменти од празниците, ја донеле оваа одлука и никогаш повеќе не се вратиле на изминатите навики.

Што мислите за оваа одлука? Дали е добар пример за децата или барем тие сепак треба да добијат мал подарок за празничната сезона?

М. Ѓ | Црнобело