6 идеи за уникатни новогодишни подароци (со кои не можете да згрешите)

Производи со краток рок на траење, како вкусни колачиња, или работи што ќе ја разбудат носталгијата - Имате ли идеја за оригинален празничен подарок?

Понекогаш е навистина тешко да изберете интересен и уникатен подарок за новогодишните празници. Особено за луѓе на кои често им купувате подароци.

Што да подарите овие празници, а да им се допадне и да не фаќа прашина на некоја полица (или да го подарат веднаш на некој друг)?

Поинаков подарок

Наместо да им купите конкретен подарок на блиските, можете да им понудите поинакво искуство. На пример, организирајте вечера во ресторан или уплатете им патување.

Работи со краток рок на траење

Многу луѓе сакаат да добиваат храна како подарок, па дури и веќе да го имаат тоа дома (или нешто слично).

Ако вашите сакани или пријатели се од овие луѓе, тогаш зошто да не им подарите рачно направени бонбони или чоколадо, сирење или кашкавал кој тешко се наоѓа, или можеби деликатес од урми со јаткасти плодови и чоколадо?

Можете да купите и некоја празнична колекција која содржи гел за туширање, лосион, млеко за тело, сапун и сето тоа во лимитирано издание кое е произведено само за празниците.

Ваучер за подароци

Ако знаете што сакаат блиските, кој им е омилен бренд, на пример, но не сте сигурни дека 100% ќе им го погодите вкусот, тогаш можете да им купите ваучер за подарок, па да ги оставите самите да си одберат подарок.

Рачно изработете им подароци

Постои голема разлика меѓу тоа дали ќе купите плетено капче за некого или ќе го сплетете самите.

Дури и да не знаете да плетете, сигурно поседувате некоја вештина што можете да ја искористите и да го покажете својот талент, па да подарите нешто што ќе биде поинакво, оригинално, и изработено само за нив.

Подобрена верзија на работите што веќе ги поседуваат

Кога мислите дека некој има сè, размислете што можете да му подарите, а тоа да биде подобра верзија на тоа што веќе го поседува.

На пример, можете да купите нов несесер за шминки, нов душек за јога или тегчиња за вежбање, нова пегла за коса, ракавици за возење велосипед и слично...

Предмети кои ќе ви го олеснат животот

Постојат работи кои не сакате да си ги купите бидејќи сметате дека се бескорисни.

Но, потоа некој ќе ви ги подари и животот ќе ви стане многу поедноставен.

Такви подароци можете да купите и за блиските: електрично ќебе, перниче за потпирање на грбот, преносна батерија за полнење на мобилниот, сет за педикир и слично.

Подароци кои ќе ви разбудат носталгија

Подароците не мора секогаш да се скапи, но важно е да се подарени од срце.

Затоа, за најблиските можете да направите подароци кои ќе ви ја разбудат носталгијата, на пример албум со фотографии од различни периоди од вашиот живот, фотографија во рамка или некаков сувенир со фотка.

А. Ј. | Црнобело