6 јога вежби кои ќе ви помогнат да заспиете (се прават на кревет)

Јогата е одличен начин да се опуштите пред спиење, а уште подобро ако направите неколку вежби легнати на кревет.

Ретко кој заспива веднаш штом ќе си легне. Дури и ако сте преморени, голема е веројатноста да се превртувате во креветот додека сонот да ве надвладее.

Ако ова е проблем со кој често се соочувате, можеби ќе ви помогнат следниве јога вежби:

Прва вежба

Легнете на грб, со перница под половината, а нозете исправени потпрете ги на ѕидот.

Рацете треба да ви бидат поставени покрај телото, со дланките свртени надолу.

Останете во положбата две минути и дишете нормално.

Втора вежба

Легнете на стомак, а под стомакот ставете перница. Ставете ги рацете зад вас со испреплетени прсти.

Вдишете длабоко, свиткајте го грбот кон назад и придвижете ги рацете кон стапалата, како на фотографијата.

Додека издишувате, вратете се во почетната положба. Направете 10-тина повторувања.

Дланките постојано треба да ви бидат споени додека ја правите вежбата.

Трета вежба

Седнете на креветот со раширени нозе и пред вас ставете перница.

Исправете го грбот, вдишете длабоко и, додека издишувате, наведнете се кон напред и легнете на перницата.

Рацете можете да ги испружите напред или да ги ставите под перница.

Длабоко вдишувајте и издишувајте 10 пати во оваа положба, па исправете се.

Четврта вежба

Легнете на перница на грб. Спојте ги стапалата и странично раширете ги нозете, како на фотографијата.

Поставете ги рацете малку оддалечени од телото.

Дишете длабоко и бавно.

Останете во положбата околу три минути.

Петта вежба

Легнете на перница како за претходната вежба. Но, овој пат спојте ги нозете и свиткајте ги колената.

Бавно свртете ја главата на десната страна, а нозете на левата и притоа придржувајте ги со левата рака.

Останете во положбата една минута, па променете ја страната.

Повторете двапати за секоја страна.

Шеста вежба

Повторно легнете како за четвртата и петтата поза, но сега нозете треба да ви бидат исправени и малку раширени.

Рацете поставете ги малку оддалечени од телото.

Вдишете длабоко низ носот, а издишете бавно низ устата.

Веќе по некое време ќе почнувате да се чувствувате сонливо, а може и да заспиете во оваа положба.

Спирова С. | Црнобело