Избегнувајте штипки за коса - Што треба да имате предвид кога се облекувате за долг лет со авион?

Зошто во авион не треба да носите штипки за коса, отворени чевли или комплицирани аутфити, а препорачливо е да се облечете во слоеви?

Долгите летови не се премногу удобни, затоа треба да внимавате што носите на себе, за да си го олесните патувањето. Удобната облека и избегнувањето метални детали и аксесоари ќе ви помогнат целото искуство да биде попријатно.

Неколку работи што треба да ги имате предвид:

Наместо со штипка, косата соберете ја со обичен стегач

Можеби штипките за коса изгледаат убаво, но замислете како ќе се чувствувате кога со часови нема да можете да ја потпрете главата на седиштето, затоа што ќе ве боцка во главата.

Тесна облека

Подобро е да носите нешто што ќе ви овозможи циркулација на крвта за време на летот.

Имајте предвид дека долгите лекови носат ризик од формирање тромб во крвта, а состојбата може да се влоши ако носите тесна облека.

Контактни леќи

Воздухот во авионот е поинаков од оној на земјата и влажноста е помала. Сувиот воздух може да ги иритира очите, особено ако носите контактни леќи. Од овие причини подобро е да носите очила.

Градник со жица

За време на долгите летови подобро е да изберете меки и удобни градници. Со оглед дека со часови ќе седите во место, секако дека во еден миг ќе почне да ве иритира жицата од градникот.

Високи потпетици

Имајте предвид дека во последен миг може да се случат промени па да треба да трчате за да го фатите летот. Високите потпетици само можат да ви направат проблем во вакви ситуации.

Продолжува на следната страница...