6 чудни стандарди за убавина кои постоеле во минатото (некои од нив ни се денес смешни)

Бледа кожа

Трендот на многу бледа кожа го достигнал својот врв во 18-тиот век во Англија.

За да ја задржат белината на кожата, жените честопати користеле производи кои во себе содржеле олово.

Користеле црвена боја која ја ставале на усните и образите за да создадат контраст меѓу белината на кожата и „румениот сјај“.

Некои, пак, со сино мастило по рацете и телото цртале сини линии, кои претставувале „вени’.

Руса коса

Трендот на руса коса почнал да се шири во 15-тиот век, благодарение на Франческо Петрарка и неговата муза Лаура.

Тој ја опевал нејзината убавина во своите поеми, па жените кои имале темна коса биле поттикнати и тие да почнат да ја осветлуваат косата.

Во тоа време, фарбањето  на косата траело неколку дена. На косата прво се ставал микс од неколку компоненти, па главата се прекривала со листови и така стоела два дена.

По ова, смесата се миела од главата, по што се ставал втор слој од истата смеса (овој пат без листови), па косата се миела по два дена.

Премногу тенка половина

Првите корсети, кои ја стеснувале половината, се верува дека постоеле уште во Бронзеното доба.

Но, во Европа тие се појавиле во 15-тиот или 16-тиот век. Својот врв го доживеале во времето на владеењето на кралицата Катерина де Медичи.

Овие корсети можеле да го намалат обемот на половината дури до 33 сантиметри, но тоа имало лош ефект врз внатрешните органи, па многу жени имале сериозни здравствени проблеми, а органите им откажувале.  

А. Ј. | Црнобело