Британка го имитира стајлингот на ѕвездите: Со чаршав и селотејп го направи фустанот на Тејлор Свифт од Греми (видео)

Фустанот на Тејлор Свифт од Греми 2024, Анџелика Хикс го направи од чаршаф и исечоци од модни списанија, а за да стајлингот на Мајли Сајрус од насловната страница на Vogue, користеше листови од зелка... Видеата на оваа Британка ќе ве насмеат до солзи...

Британката Анџелика Хикс е илустраторка. Но, таа е позната и како девојката која објавува интересни видеа на својот Инстаграм, а каде на забавен начин, со помош на најразлични (и неспојливи) предмети, ги копира фустаните и модните комбинации на светските ѕвезди.

На нејзината листа се најдоа сите - од Кардашијанс, преку Зендеја и Дуа Липа, па сè до Селена Гомез и Тејлор Свифт со својот стајлинг на доделувањето на Греми наградите 2024.

А токму имитацијата на белиот фустан на Тејлор стана вистински хит и видеото се споделува вирално, бидејќи Анџелика успеа да го ископира само со помош на чаршаф, картон и селотејп.

Ништо помалку впечатлива не е и имитацијата на стајлингот што го носеше Зендеја на промоцијата на продолжението на филмот „Dune“ - за да го долови целиот изглед, Анџелика користеше лушпа од авокадо.

„Кога си на ручек во 12, а мораш да се појавиш на црвен тепих во 1“, стои во описот.

Анџелика ја следат преку 207.000 корисници на Инстаграм и тие не пропуштаат да ја пофалат за креативноста и да нагласат дека сето ова го прави на навистина забавен начин.

Погледнете некои од нејзините видеа на следната страница...