8 совети да позирате како модел (и да немате здодевни Инстаграм фотки)

Секогаш внимавајте на гримасите

Колку пати ви се случило да направите гримаса и да ја уништите идеалната фотографија?

Запомнете, пред да застанете пред камерата, опуштете се, насмевнете се, очите нека ви бидат убаво отворени, не го кријте ликот со косата, исправете ја убаво главата или навалете ја само малку.

Ова е, всушност, и една од најважните работи дали ќе ви се допадне како изгледате на фотката или не.

Не го кријте лицето со раката

Иако многу луѓе позираат со рака пред устата, под брадата или на образот, кога седат или се потпрени некаде, ова е голема грешка.

На овој начин делувате дефанзивно, си го криете ликот, го згрчувате телото, а ги „згмечувате“ и образите кои потоа ви делуваат чудно.

Наместо тоа, раката нека ви биде подалеку од лицето, по можност подалеку и од телото. Разликата во позата се приметува веднаш.

Тело во форма на буквата „S“

Кога сакате да се потпрете на ѕид или ограда, наместо да го свиткате телото нанапред и да го ставите стомакот во преден план, „свиткајте“ го телото во форма на буквата „Ѕ“ - испакнете ги градите, вовлечете го стомакот, нозете нека ви бидат малку наназад и раздвоени.

И телото нека ви биде делумно свртено кон камерата.

Кога седите колената и лактите не треба да бидат насочени директно кон камерата

Кога позирате седнати, свртете го телото малку на страна, за колената и лактите да не ви бидат директно насочени кон камерата.

И повторно - не го виткајте телото нанапред, исправете ги рамениците, кренете ја главата.

На овој начин на фотката ќе потсетувате на модел, а не на некој кому му е сеедно дали го фотографираат.

А. Ј. | Црнобело