Како да препознаете оригинален Victoria’s Secret спреј за тело и уште 5 други производи?

Colossal Volumе Express маскара на Maybelline

Станува збор за маскара што е меѓу омилените кај дамите во светот, а освен што можете да ја купите во продавниците за шминка и парфимериите, често се случува „истата“ маскара да ја најдете и на тезги по сомнително ниска цена.

Ако ги ставите една до друга оригиналот и копијата веднаш ќе забележите дека има огромна разлика во фонтот и дека кај оригиналот буквите се задебелени и светкави.

Освен тоа распоредот на буквите е со совршен проред и без непотребен празен простор.

Пудра за лице Estѐe Lauder

Уште еден релативно поскап козметички производ, кој често има свои копии. Кога купувате ваква пудра, прво треба да обрнете внимание на фонтот кој треба да е совршено позициониран со идентичен фонт, а на допир буквите се малку испакнати.

Кај оригиналната пудра на дното има прикачена етикета и има 4 видливи детали: кодот на продуктот, бојата, серискиот број е втиснат на етикетата и на шишето има уште еден број.

Кај копиите може да е копирана бојата и серискиот број, но нема да ги најдете втиснатите броеви на шишето.

Hermѐs Birkin чанта

Чантите Hermѐs Birkin се едни од најскапите, но и најпосакуваните.

Факт е дека тие се продаваат по огромни суми, па самото тоа што ќе ги најдете по релативно ниска цена треба да ви укаже на тоа дека најверојатно се работи за копија.

Но, за да се уверите, обрнете внимание и на следните детали:

Погледнете на металниот дел од ременот напред. Името на брендот треба да биде изгравирано со совршени букви.

Исто така на внатрешниот дел од ременот треба да има сериски број на чантата.

Погледнете го задниот раб на чантата. Кај оригиналните чанти сите рабови се елегантни, па дури и преклопот што секогаш се наоѓа на задниот дел од чантата е речиси незабележителен.

Кај копиите ќе забележите дека тоа преклопување е грубо и мошне впечатливо.

Б. С. Б. | Црнобело