Како да препознаете оригинален Victoria’s Secret спреј за тело и уште 5 други производи?

Дали знаете како да препознаете дали парфемот што го купувате е оригинален или дали маскарата што сте ја нашле на половина цена е само евтина копија? Погледнете уште неколку други производи кои би можеле да паднете во искушение да ги купите, без да знаете дека станува збор за копии.

Колкупати ви се случило вашите омилени производи за убавина или чанти да ги најдете по сомнително ниска цена и да се запрашате: „Зошто е толку евтино?“

Најверојатно вистината е дека станува збор за добра копија на вашиот оригинален производ, што не би требало да ја купите затоа што не ги содржи идентичните состојки како оригиналот, изработен е во сомнителни услови и не ви го гарантира квалитетот како оригиналите.

Како да препознаете дали станува збор за оригинален производ или пак само за добра копија, која изгледа речиси идентично со оргигиналот?

Victoria’s Secret спреј за тело

Кога купувате спреј за тело од Victoria’s Secret, потребно е добро да ја погледнете амбалажата. Името на брендот треба да биде напишано на црниот дел под капачето, а името на спрејот е напишано веднаш под името на брендот на предната етикета.

Кога ќе го отворите капачето, кај оригиналот ќе забележите мало дупче и број.

Освен тоа, погледнете го добро шишето и во долниот дел.

Кај оригиналите секогаш на долниот дел има баркод и отпечатен број на шишето, што ја означува серијата на производство.

Добрите копии може да имаат отпечатен бар код, но нема да го видите бројот на серијата.

Coco Mademoiselle парфем

Со оглед дека станува збор за едни од најпопуларните парфеми во светот, сосема е разбирливо зошто Coco Madеmoiselle на Chanel е еден од најчесто копираните мириси во светот.

Но, пред да купите ваков парфем што сте го нашле по екстремно ниска цена, обрнете внимание на следните детали:

Бојата на парфемот треба да биде розова, а не жолта како што често се случува со копиите.

На дното од капачето треба да го има оригиналното лого на брендот, кое е совршено поставено на средината.

Шишето од кутијата треба да биде елегантно и нежно, додека кај копиите може да се забележи дека шишето е погрубо изработено и има дебело дно.

Colossal Kajal молив за очи на Maybelline

Со оглед на тоа што станува збор за мошне копиран производ за убавина, треба да обрнете добро внимание пред да го купите.

Прво нешто што можете да го забележите е дека фонтот на името значително се разликува кај копијата, од оној на оригиналот.

Исто така, кај оригиналниот ајлајнер амбалажата е компактна и нема дел што може да се отвори на дното.

Кај оригиналниот ајлајнер на капачето има дупче, додека кај копиите, капачето е рамно.

Уште еден важен детаљ е тоа што кај оригиналните ајлајнери од овој бренд секогаш има броеви на дното.

Продолжува на следната страница...