Елитата во Холивуд пие крв, Џастин Бибер е рептил – Најлудите теории на заговор за славните

Некои луѓе веруваат дека повеќето светски ѕвезди се клонови направени во лабораторија, додека вистинските личности се мртви. Која е најлудата теорија на заговор за славните што сте ја слушнале?

Неколкупати во поновата историја се случило некоја теорија на заговор да се покаже како вистинита.

Но, факт е дека мнозинството теории на заговор се премногу луди и тешко дека се вистинити.

Сепак, ова не значи дека нема луѓе кои не веруваат во нив.

Дел од најлудите теории на заговор за познатите личности:

Кардашијанс се проколнати

Иако се најпознатото и едно од најбогатите семејства во светот, некои луѓе мислат дека кланот Кардашијан-Џенер е проколнат.

Односно, секој кој ќе стане дел од нивното семејство, го следи несреќа.

И, има навистина забавни примери кои ќе ве натераат барем за миг да поверувате во оваа теорија на заговор.

Бившиот на Кортни Кардашијан, Скот Дисик, имаше проблеми со зависност откако ги изгуби двајцата родители.

Ламар Одом, пак, поранешниот сопруг на Клои, речиси се предозира во 2015-та.

Кариерата на поранешниот сопруг на Ким, Крис Хамфрис, почна да оди во надолна линија по нивниот развод.

А, бившиот на Кајли Џенер, Тајга, се соочи со сериозни финансиски проблеми по врската со младата богаташка.

Овде е и Канје Вест чии скандали уште ги полнат насловните страници на медиумите.

Многу славни личности се клонови

Ова е дефинитивно една од полудите теории на заговор.

Наводно, некои луѓе веруваат дека сите познати личности се клонови направени во лабораторија.

Интересно и важно да се напомене е дека оваа приказна прво се појави во сатиричен медиум (The Onion) и беше напишана како шега, но успеала да натера некои луѓе да поверуваат.

Оние кои веруваат во заговорот велат дека клонираните славни личности всушност повеќее не се живи.

На пример, Бијонсе била клонирана од илуминатите бидејќи умрела во 2000 година. Аврил Лавињ, пак, извршила самоубиство по смртта на дедо ѝ, па била заменета со клон.

Наводно, доказ дека некоја личност е клонирана е нејзиното однесување во јавност, како нервниот слом на Бритни и исплазениот јазик на Мајли Сајрус.

Тејлор Свифт е клонирана сатанистичка свештеничка

Повторно заговор поврзан со клонирање, но овој пат е вклучена и таканаречената сатанистичка црква.

Имено, Тејлор Свифт навистина премногу личи на Зина Шрик – ќерката на Антон Лавеј кој ја основал сатанистичката црква.

Па, оваа сличност во изгледот била доволна за да натера некои луѓе да веруваат дека пејачката е клон на Зина.

Истовремено, тие тврдат дека во своите музички спотови и настапите, Тејлор редовно покажува сатанистички симболи.

Продолжува на следната страница...