Заработува милијаради од производи за убавина, а шета несредена - Како изгледа најбогатата жена во светот?

Богатството го добила од компанијата која е синоним за женска убавина и шминка, а каде и да се појави најчесто е несредена, без фризура и со препознатливите правоаголни очила. Знаете ли како изгледа најбогатата жена во светот?

Има богатство од над 83,6 милијарди долари на нејзината сметка, а кога ќе ги видите нејзините фотографии на прв поглед мислите дека пред вас стои обична жена која едвај сврзува крај со крај. Вообичаено текстовите што ѝ се посветени нејзе се проследени со фотографии на кои таа е со минимална или без шминка.

Препознатлива е по големите правоаголни очила, црната долга (и често несредена) коса, свилените марами што речиси секогаш ги носи како додаток, но во нејзиниот стил нема ништо друго што би можело да биде впечатливо.

Интересно е што Франсоа парите ги наследила од нејзиното семејство од брендот кој во голема мера е синоним за женска убавина, L’Oreal.

Но, нејзиниот интерес не е сконцентриран на шминката, убавината и облеката.

Таа целосно е посветена на сопругот Пјер Мејерс, со кого е во складен брак веќе 40 години, како и на синовите Николас и Жан Жан-Виктор.

Израснала во католичко опкружување, а пред да стапи во брак со сопругот морала да ја промени религијата и да го прифати јудаизмот.

Франсоа во 2017-та година од нејзината мајка Лилиен Бетанкур наследила богатство од 39,5 милијарди долари, но со посветена работа и труд денес успеала повеќе од двојно да го зголеми богатството.

Кога не работи во компанијата Франсоа свири пијано, пишува библиски коментари и книги за грчката митологија, а често знае да се појавува на хуманитарни настани каде донира дел од своите милијарди.

Прочитајте и Мајка ѝ ја избришала од тестаментот, за милијардите морала да се бори на суд - Факти за најбогатата жена во светот, Франсоа Бетанкур

Таа донираше 226 милиони долари за обвнова на катедралата Нотр Дам во Париз.

Но, ако се погледнат нејзините фотографии, станува јасно дека Франсоа мрази да се појавува во јавност и да се фотографира, а за тоа сведочат и фотките објавени во француските и светските медиуми.

Погледнете дел од нив:

Б. С. Б. | Црнобело