„Мона Лиза“ и уште 6 од најскапите предмети кои биле украдени – по дел уште се трага

Сликата „Мона Лиза“ која денес се проценува на повеќе од една милијарда долари, како и Stradivarius виолина вредна 3 милиони долари, а која уште не е најдена.

Кражбите не се нешто невидено, но обично не се како на филм.

Украдено парче облека од бутик, украден лаптоп од нечиј дом, украден паричник на туристичка дестинација – вака изгледаат повеќето кражби.

Но, некои луѓе не се задоволуваат со мал плен, па се осмелуваат да украдат предмети кои чинат милиони, а притоа се и мошне добро обезбедени.

Дел од најскапите работи што биле украдени:

Француски накит од Лувр

На 19-ти октомври 2025-та, четворица крадци успеаја да влезат во музејот Лувр преку балкон и да украдат француски накит кој надлежните го опишуваат како „бесценет“.

Грабежот траел нешто помалку од 10 минути, а крадците си заминале од музејот со круна, ѓердани, обетки, брошови и сличен накит, изработен во 19-тиот век.

Се претпоставува дека украдените предмети вредат над 100 милиони долари.

Сликата „Мона Лиза“

Знаевте ли дека „Мона Лиза“ е толку популарна слика само затоа што била украдена?

Во 1911 година, вработен во музејот, кој потекнувал од Италија, ја украл сликата бидејќи верувал дека треба да се наоѓа во родната земја на Леонардо да Винчи.

Две години успешно ја криел сликата, сè додека не пробал да ја продаде на аукција.

Сликата конечно била вратена во музејот во 1913 година, а бидејќи веќе сите слушнале за кражбата, луѓето масивно почнале да ја посетуваат.

„Мона Лиза“ е слика која се смета за бесценета и, нормално, не е за продажба. Но, сепак, експертите ја проценуваат на повеќе од една милијарда долари.

Емпаер стејт билдинг

Иако звучи бизарно, „крадењето“ на популарната зграда во Њујорк било направено со цел да се разоткрие дупка во законот.

Во 2008 година, весникот New York Daily News испратил лажна документација со чија помош зградата била префрлена на нивната редакција.

Па, тие практично станале сопственици.

Новинарите кои стоеле зад идејата сакале да покажат дека има дупка во законот со кој се регулираат трансакциите во градот.

Секако, тие ја вратиле зградата на сопственикот, а благодарение на нив, законот бил затегнат.

Инаку, вредноста на облакодерот се проценува на околу 1,8 милијарди долари.

Продолжува на следната страница...