8 брзински начини да си ја подигнете енергијата и продуктивноста (кога не знаете кај ви е главата)

Како да си го подигнете нивото на енергија, концентрација и продуктивност во деновите кога имате куп работа, а не можете да се фокусирате?

Ви се случува ли некогаш да имате толку многу работа, а да не можете да се сконцентрирате и го губите времето без да ви дојде енергија да сработите?

Можете да практикувате неколку мали трикови кои ќе ви го подигнат нивото на енергија и ќе почнете порасположено и продуктивно да чекорите низ денот и обврските. 

Во продолжение неколку совети:

Појадувајте надвор наместо на работа, на сонце (ако го има барем малку) за да си го подигнете расположението утрински

Вежбајте или барем одете до работа пеш/со велосипед – дури и кога мислите дека сте уморни, ќе имате повеќе сила и енергија откако ќе завршите

Јадете цело зрно пченица и свежи намирници, наместо брзи јаглехидрати, за да имате повеќе енергија и стабилно ниво на шеќерот

Направете нешто добро и убаво пред важен настан или состанок за да го разбудите мозокот и да не се чувствувате потонато (шетајте со кучето, играјте си со детето, изгледајте позитивно видео итн.)

Запалете си мирислива свеќа од мириси како лимон и пеперминт кои имаат моќ да ја подигнат концентрацијата

Ако не сте љубител на кафе, напијте се зелен чај, кој исто така содржи кофеин и ќе ви го подигне нивото на енергија и концентрација

Слушајте музика која ве расположува и размрдува додека работите, наместо песни кои ве успиваат

И облеката игра улога – се верува дека сината боја ја подобрува концентрацијата, продуктивноста и размислувањето, па облечете се соодветно

М. М. | Црнобело