Строги (и чудни) правила кои стражарите на кралската гарда во Англија мора да ги следат

Можат да зборуваат, но не секогаш

Молчењето е едно од нештата по кое се познати стражарите, но тие сепак можат да зборуваат во одредени ситуации.

Најчесто тие го прекинуваат молкот кога туристи им го попречуваат патот.

Исто така, имаат дозвола да искористат и повишен тон ако се соочени со несовесни туристи или луѓе кои пробуваат да ги допрат.

Воопшто не смеат да мрдаат

Освен кога парадираат, според протоколот, стражарите не смеат да мрдаат, уште помалку да се оддалечат од нивното место.

Генерално, треба да стојат како статуи.

Сепак, за да им ја олеснат работата, денес имаат дозвола на секои 10 минути да направат неколку чекори со марширање, па да се вратат на своето место.

Исто така, во лето, кога времето е потопло, дозволено им е да се движат за да се напијат вода.

Некогаш имаат и други (одвратни) обврски

Кога не стојат како статуи, стражарите имаат и други обврски.

Додека се на функција, тие живеат во таканаречени воени бараки во централен Лондон, во близина на Бакингемската палата.

И, овде се одговорни за хигиената.

Но, на еден кат од бараките има по 32 стражари, па не е баш едноставно да се одржува нивото на хигиена.

Според поранешни стражари, честопати имале проблеми со водоводот, тоалетите, електричната инсталација и слично.

Спирова С. | Црнобело