Зошто се нарекува Даунов синдром + како биле третирани лицата со нарушувањето во минатото?

Лицата со попреченост, воедно и оние со Даунов синдром, порано биле затворани во институции со мизерни услови. Но, доктор Џон Даун од Англија решил да трансформира една ваква установа, со тоа станувајќи пионер во медицинската нега за луѓе со попреченост. Денес, пак, Дауновиот синдром го носи неговото име.

Дауновиот синдром е генетско нарушување предизвикано од вишок хромозом.

Обично, децата наследуваат по 23 хромозоми од секој родител, односно вкупно 46. Кај лицата со Даунов синдром, има еден хромозом плус.

Иако не постои лек за нарушувањето, со соодветна едукација на родителите на деца со Даунов синдром, но и на луѓето воопшто, на овие лица може да им се обезбеди среќен и исполнет живот.

Лицата со Даунов синдром скоро секогаш имаат физичка и интелектуална попреченост, кои варираат.

Некои без проблем завршуваат средно, дел од нив и факулет, а потоа се и способни да работат.

Од друга страна, на некои им треба дополнителна поддршка во образованието и подоцна во животот.

Лицата со Даунов синдром можат да имаат зголемен ризик од разни здравствени проблеми, па редовните прегледи и консултации со лекар се клучни.

Иако денес повеќето со Даунов синдром можат да водат релативно нормален живот, во минатото, пред да се знае нешто за нарушувањето, се наоѓале во многу полоша ситуација.

Неколку детали за историјата на Дауновиот синдром:

Џон Ленгдон Хејдон Даун бил Британски лекар кој прв го опишал и класифицирал нарушувањето.

А, оттаму и неговото име – Даунов синдром.

Благодарение на неговата работа, тој станал пионер во медицинската нега на лица со попреченост.

Роден во 1828 година во Корнвол, Англија, Џон почнал да работи за Кралската болница во Лондон додека бил студент.

Во долгата кариера, добил бројни признанија и награди, и тоа уште пред да се фокусира на Дауновиот синдром.

Десет години работел и во ментална институција, а тој период, овие установи биле како од хорор-филм.

Користејќи го своето искуство, Џон Даун одлучил да ја трансформира менталната институција Earlswood во Англија и да ја претвори во место каде што пациентите навистина ќе се лекуваат.

Дотогаш, пациентите во установата биле чувани во мизерни услови – спиеле во валкани ќелии и честопати биле казнувани со тепање и врзување.

Продолжува на следната страница...