Симулација на терористички напад, сценарио за секој можен проблем: Како се организираат настани со милиони гледачи?

Кралските погреби, како на кралицата Елизабета, се детално испланирани со децении однапред, додека пред Олимписките игри се симулираат разни опасни сценарија за обезбедувањето и организаторите да знаат како да реагираат.

Воопшто не е лесно да се организира огромен настан, како Олимписките игри или Евровизија, а притоа да се земат предвид сите потенцијални проблеми кои можат да настанат, но и безбедноста на луѓето кои ќе присуствуваат.

Настаните што ги посетуваат илјадници, па и милиони луѓе бараат беспрекорна организација и координација, а посетителите не се ни свесни за она што се случува зад сцената.

Тајните со кои ваквите настани секогаш изгледаат беспрекорно:

Олимписки игри

Милиони луѓе одат да ги следат Олимписките игри во живо, па ова е еден од најмасовните настани во светот.

Игрите се планираат со години, а за да се осигурат за безбедноста на посетителите и натпреварувачите, организаторите прават и симулации.

Односно, најмуваат волонтери и симулираат потенцијални опасни сценарија кои можат да настанат на место со многу луѓе.

Тие симулираат и терористички напади, за во случај да настане нешто такво, да знаат како да реагираат.

Аџилак во Мека

Мека е најсветиот град за муслиманите и секоја година околу 2 милиони верници го посетуваат градот за време на аџилак.

Бидејќи огромен број верници се собираат во релативно мал простор, во минатото за време на аџилакот се случувале трагедии, како стампедо.

За да се избегнат несреќите, денес властите во Саудиска Арабија користат систем за следење на толпата со помош на сателити и други технологии.

На овој начин можат да го набљудуваат движењето на верниците во секој миг и доколку забележат стампедо или каков било проблем кој може да ескалира, веднаш реагираат.

Евровизија

Евровизија е еден од најголемите музички настани во Европа кој го следат гледачи од сите европски земји.

А, секојпат организаторите имаат „резервна држава“ во случај настанот да не може да се одржи во земјата каде што треба.

Односно, во другата земја е изграден истиот сет, има водители и камери за пренос во живо, во случај земјата домаќин да не може да го пренесува настанот од причини како напад или технички проблеми.

Снимен е и настапот на секој натпреварувач и оваа снимка може да се искористи ако изведувачите не можат да настапат во живо од која било причина.

Продолжува на следната страница...