Најстарите парчиња облека и модни додатоци кои се најдени досега

Чанта која е украсена со заби од животни и е направена пред 4.500 години, очила за сонце од пред 2.000 години…

Експертите проценуваат дека нашите предци почнале да носат облека пред барем 83.000 години.

Најстарите текстилни влакна кои се најдени се проценува дека се стари околу 34.000 години, додека најстарото парче облека кое е најдено е направено пред околу 5.000 години.

Бидејќи предците користеле само природни материјали, јасно е дека најголем дел од древната облека е уништена.

Но, секогаш постои можност археолозите да најдат и уште многу, многу постари парчиња.

Дотогаш, погледнете кои се најстарите парчиња и модни додатоци најдени од археолозите:

Најстарите панталони

Најстарите панталони кои се најдени досега се направени пред околу 3.000 години.

Најдени се во гробница во Кина, а се во добра состојба поради условите каде што се наоѓа гробницата – место каде што е топло и речиси да не врне дожд во текот на годината.

Најстарите чорапи

Најстарите чорапи кои се пронајдени досега се стари околу 1.600 години.

Пронајдени се во централен Египет, направени се од волна и нивната црвена боја е мошне добро зачувана.

Се претпоставува дека биле наменети за носење и со сандали, па затоа имаат и необичен простор напред.

Најстариот фустан

Најстариот фустан, кој се смета и за најстарото парче облека кое е пронајдено воопшто, е најден во гробница во близина на Каиро.

Фустанот е направен од лен и се претпоставува дека потекнува од првата египетска династија, односно од пред 5.000 години.

Најстарите обувки

Во 1930-тите, во САД, археолозите ги пронашле веројатно најстарите обувки кои се најдени досега.

Се претпоставува дека се направени пред околу 9.000 години и се во мошне добра состојба.

Продолжува на следната страница...