Ги користат само милијардери, плаќаат и до 2 милиони евра годишно: Како изгледаат најдобро обезбедените сефови во светот?

Во Лондон се наоѓа еден од најдобро обезбедените трезори во светот до кој пристап имаат само милијардери. Но, пред да добијат дозвола да користат сеф во трезорот, минуваат низ детална проверка и можат да бидат одбиени, без разлика колку се богати или моќни.

Ние, „обичните смртници“ кои сме мнозинство во светот, веројатно никогаш во животот нема да имаме потреба да изнајмиме сеф.

Но, ова не важи за богатите и моќни луѓе кои често изнајмуваат сефови за нивните вредни предмети, некогаш и важни и тајни документи.

Има многу трезори низ светот, но за трезорот на IBV International Vaults во Лондон се вели дека е „најексклузивен, најприватен и најдобро обезбеден“.

Секако, има и други трезори со врвно обезбедување, како Форт Нокс во САД, но овие обично се користат за државни резерви на злато или нешто слично, а не за приватни предмети.

Трезорот во Лондон е сместен во зграда во централниот дел на градот која е во сопственост на богаташ од Јужна Африка.

Откако ја купил зградата во 2017 година, ја реновирал и ја претворил во непробојна тврдина.

Ѕидовите и таваните на зградата се зајакнати со челик и невозоможно е да се оштетат со дупчење или што било слично.

Од местото каде што се наоѓаат сефовите бил отстранет и целиот систем за вентилација.

Пред клиентите да добија пристап до нивниот сеф, нивниот идентитет се потврдува со скенирање на окото и отпечаток од прст.

Кога ќе ја поминат првата проверка, влегуваат низ огромна челична врата, во просторија дополнително зајакната со бетон.

Во оваа просторија има и контролна соба која е заштитена со непробојно стакло кое може да издржи и стрелање со автоматско оружје.

Продолжува на следната страница...