Извадил 200 евра, купил билет за Лондон и исчезнал: Детали за чудното исчезнување на 14-годишниот Ендру Госден

Ендру Госден бил натпросечно интелигентно дете кое немало ниту еден изостанок на училиште. Па, вистинска мистерија е зошто на 14-ти септември 2007 година решил да го прескокне училиштето, да извади 230 евра од банкомат и да отиде во Лондон со воз, од каде што му се губи секаква трага.

Во 2007-ма, 14-годишниот Ендру Госден без да им каже на родителите извадил пари од банкомат, купил билет за воз до Лондон и исчезнал.

До денес никој не знае зошто тинејџерот сакал да оди во Лондон ниту што му се случило или каде точно исчезнал.

Експертите немаат апсолутно никаков одговор, иако низ годините биле споделени неколку теории за неговата судбина.

Најчудно во целата ситуација е што Ендру не бил проблематично дете – напротив, важел за добар и примерен ученик.

Што знаеме за чудниот случај?

Ендру Госден потекнува од британскиот град Донкастер, а имал и сестра.

Бил близок со неа, а наводно ја делеле љубовта кон рок и метал музика.

Ендру сакал да чита и неговата интелигенција била изразена уште од најрана возраст. Впрочем, и на училиште одел во паралелка за надарени деца.

Ова значи дека бил и добар ученик, а според некои извори, немал ниту еден изостанок.

Сите наставници имале добро мислење за него и биле сигурни дека ќе стигне до некој престижен факултет, како Кембриџ.

Како што имаат откриено неговите родители, Ендру бил интровертно дете и уживал во своето друштво, но сепак имал и мала група пријатели.

Иако можеби бил и срамежлив, неговите родители велат дека не гледале некакви знаци дека бил малтретиран на училиште.

Па, ни нив не им е јасно зошто на 14-ти септември 2007 година решил да купи билет за Лондон, без да им каже што било.

Утрото родителите на Ендру отишле на работа и очекувале тој да оди на училиште.

Кога се вратиле, не бил во својата соба, но неговата униформа била оставена на столот од бирото.

Па, помислиле дека се вратил од училиште, но излегол.

Почнале да се јавуваат кај неговите соученици и тогаш дознале дека не само што не е со никој од нив, туку и дека воопшто не отишол на училиште – нешто што се немало случено никогаш претходно.

Родителите на Ендру немале поим што правел цел ден.

Знаеле само дека си го зел паричникот, клучевите од дома и преносна контрола за видеоигри. Сепак, не го зел полначот за конзолата.

Продолжува на следната страница...