Изгладнување, мачење со денови: Како изгледа животот во озлогласениот затвор Гвантанамо?

Според некои сведоштва, затворениците во затворот познат како Гвантанамо Беј се соочуваат со ужасни услови и често измачување. Американскиот затвор лоциран во Куба честопати е критикуван од јавноста, па двајца поранешни претседатели ветија дека ќе го затворат, но тој уште е во функција.

На заливот Гвантанамо во Куба се наоѓа еден од најозлогласените затвори во светот.

Поради локацијата, затворот со максимално обезбедување е познат како „Гвантанамо Беј“ или само „Гвантанамо“, а е во сопственост на САД.

Отворен е во 2002 година, по наредба на тогашниот американски претседател Џорџ Буш, со цел овде да се затвораат лицата осомничени за тероризам.

До 2025-та, овде престојувале околу 780 затвореници од 48 земји во светот. Повеќето од нив биле испратени во други затвори, околу 9 починале во самиот затвор, а моментално внатре се затворени 15 лица.

Во Гвантанамо Беј нема нови затвореници од 2008 година и моментално притворени се најмалку луѓе од неговото отворање.

Што точно се случува во затворот, никој не знае, но уште од неговото отворање, се шират морничави гласини за третманот што го добиваат затворениците.

Поради лошата репутација, и Барак Обама и Џо Бајден ветуваа дека затворот ќе престане со работа. Ова не се сучи, а во вториот мандат, Доналд Трамп изјави дека можеби ќе почне да испраќа нови затвореници таму, поради што се соочи со критики.

Потоа отвори камп во склоп на базата во Гвантанамо каде што моментално ги испраќа „мигрантите со висок ризик“ од САД. Овие мигранти се во посебен центар, а не во затворот, но Трамп сепак е критикуван и за ова.

Што се шпекулира за третманот на затворениците во озлогласениот затвор?

Не се користат имиња, туку броеви

Чуварите во затворот не им се обраќаат на затворениците по нивните имиња, туку по броеви. Ова било поизразено во првите години од работењето на затворот, кога имињата на затворениците главно биле класифицирани.

Па, со цел да не се дознае кој е затворен внатре, никако не се користеле нивните имиња.

Исто така, на овој начин се создава психолошки притисок на затворениците и придонесува во таканареченото губење на нивниот идентитет.

Казнување со изгладнување и понижување

Според некои сведоштва, новите и непослушните затвореници биле затворани во посебен блок за изолација. Овде не им давале храна, туку само апчиња со витамини и слично за да ги одржуваат во живот.

Наводно, келиите биле или многу студени, или многу топли, а некогаш ги казнувале со пуштање многу гласна музика и разни видови на понижување, вклучувајќи и сексуални напади.

Продолжува на следната страница...