„Купив близнаци од интернет за 8.000 евра – ме осудуваа, но не погрешив“: Детали за најголемиот скандал со посвојување

Во раните 2000-ти, Британката Џудит се најде среде најголемиот скандал со посвојување, откако се дозна дека со сопругот платиле над 8.000 евра за да посвојат близнаци од САД. Целиот процес траел само пет минути, па не само што посвојувањето било нелегално, туку било и неетичко.

Посвојувањето дете е навистина благородна работа бидејќи, за жал, ширум светот има премногу деца кои останале без родители.

Самиот процес на посвојување вклучува некои административни трошоци, како за документација или заверка на нотар, но луѓето кои посвојуваат секако дека не плаќаат за детето.

Но, има и ситуации кога преку посредници, луѓето плаќаат огромни суми и изгледа како буквално да си го купиле детето – нешто што не е етички и може да се каже дека се граничи со трговија со луѓе.

Еден од најпознатите вакви скандали се случи во Англија, во раните 2000-ти, кога Британката Џудит Килшо платила над 8.000 евра за да „купи“ близнаци од интернет.

Џудит беше нарекувана „најомразената жена во Англија“ и сега, повеќе од две децении подоцна, признава дека последиците од скандалот ја прогонуваат и денес. Денес Џудит има 71 година, а за Daily Mail вели дека сепак не се кае:

„Низ годините честопати мислам за случајот и се прашувам дали зажалив. До одредена мера, ми го зацрни животот. Беше како кошмар, но времето лекува сè.

Сепак, не жалам за ништо. Мислам дека на двете деца можев да им дадам подобар живот“.

Како Џудит ги купила децата и каде се денес?

Пред скандалот, Џудит и нејзиниот сопруг Алан биле најобично семејство со две деца. Џудит имала уште две деца од претходен брак кои веќе биле возрасни.

Во доцните 1990-ти, парот посакал уште едно дете, но поради возраста, Џудит не можела да забремени.

Потрошиле над 4.000 евра за асистирано оплодување, но безуспешно, па Џуди и Алан почнале да размислуваат за сурогат мајка.

Но, на интернет откриле американска агенција која посредувала посвојувања, па решиле да се обидат таму.

Агенцијата била во сопственост на Тина Џонсон која му кажала на парот дека има млада жена која родила близнаци, но не сака да се грижи за нив.

Младата жена имала 28 години и откако се породила се развела од сопругот, па затоа сакала да ги даде децата на посвојување.

Но, сопственичката на агенцијата веќе ги ветила близнаците на друг пар – Ричард и Вики – кои ѝ платиле над 4.000 евра за „услугата“. Тие дури и се грижеле за децата околу два месеца, а биле при крај со документите за посвојување.

И покрај ова, таа им ги понудила децата на Џудит и Ален, секако, за одредена сума.

Ричард и Вики со близнаците што ги купиле од агенцијата

Овој период, сопственичката на агенцијата за посвојување им рекла на Ричард и Вики дека биолошката мајка почнала да се премислува и дека сакала да помине два дена со близнаците.

Но, ова било лага, па сопственичката Тина всушност им ги дала децата на Џудит и Ален, парот од Англија.

Џудит и Алан отишле во САД, ги зеле децата и нивните изводи од матична книга, па тргнале кон Арканзас каде што законите за посвојување биле полабави.

Целото сослушување за посвојувањето траело само пет минути, по што Џудит и Ален, заедно со децата за кои се верува дека платиле околу 8.000 евра, се вратиле во Англија.

Иако ги стекнале соодветните документи за посвојување, целиот случај го привлекол вниманието на ФБИ, најмногу бидејќи процесот траел само пет минути, што никако не е доволно да се провери дали некој треба да добие дозвола за посвојување.

Продолжува на следната страница...