Ситуации во кои најчесто се засрамуваме

Често пати устата ни е побрза од главата, па знаеме за кратко да се избрукаме. Секако, постои начин да ја ублажите ситуацијата и да ја направите...

...колку – толку побезболна.

Кои се чести ситуации во кои сме се нашле и засрамиле:

1. Честитање бременост на жена која не е бремена. Извинете се и кажете дека сте свесни дека вашиот коментар бил непристоен. Избегнувајте понатамошно дискутирање на темата од типот: Па, знаеш дека би била убава трудница?!

2. Претпоставување врска меѓу двајца. Не, не се пар. Ама може и да се пошегувате на ваша сметка.

3. Нарековте некого со погрешно име. Извинете се и кажете дека сте пребукирани со работа во последно време па понекогаш не можете да се сетите и на своето име.

4. Неподготвени сте дошле на некој настан. Не правете ништо. Честитајте на домаќинот и обидете се да уживате кога сте веќе тука. Подоцна можете да испратите подарок, но и не морате.

5. Критикувавте нечиј животен стил, професија или политичка определеност, за да сфатите дека таа личност стои до вас. Насмевнете се и кажете: Веројатно, заради вакви ситуации паметните си го чуваат своето мислење за себе, и извинете се.

6. Откривте тајна затоа што мислевте дека сите ја знаат. Па кажете: Толку многу зборам, а заборавив дека спомнав она што требаше да биде тајна затоа што е нивна приватна работа“.

7. Сте го погрешиле полот на детето. Извинете се. Па додека се мали навистина не можете да знаете дали е момче или девојче.

Сте биле ли и вие во слична ситуација?