Изела 2,5 kg компири пред да биде задушена: Смртта на Дона Дол е мистерија повеќе од половина век

На 11-ти октомври, околу 20 часот, тројца тинејџери оделе на забава, кога се движеле по пат на околу еден и пол километар од кампусот на универзитетот на Дона.

Покрај патот имале скриено пиво, па застанале да го земат.

Двајца тинејџери чекале во автомобилот, а третиот отишол да го земе пивото и тогаш забележал човечко тело.

Со автомобилот, тројцата тинејџери веднаш отишле во полиција.

Заедно со тинејџерите, полицајците отишле кај телото кое подоцна било потврдено дека е на Дона.

Таа била облечена, но не носела чевли. Носела туѓа јакна, а не нејзиниот мантил со кој била видена последен пат. Чевлите, мантилот и чантата на Дона никогаш не биле најдени.

Според извештаите од неколку медиуми од тој период, Дона била жива најмалку 48 часа откако исчезнала.

Патолозите заклучиле дека била задушена со перница или пластична вреќа. Но, во случај на задушување, во белите дробови и дишните патишта треба да има микроскопски влакна од материјалот со којшто била задушена.

Кај Дона не биле најдени вакви микроскопски влакна.

Исто така, во нејзиниот организам биле најдени и „мистериозни супстанци“, но форензичарите немале услови да ги анализираат.

Најчудно во целиот случај е што пред смртта, Дона изела огромно количество компири – околу два и пол килограми. Или, поверојатно е дека била присилена да ги изеде.

На телото на Дона немало знаци на насилство, па заклучокот бил дека е нападната од личност што ја познава.

Бидејќи Дона всушност му раскинала на дечко ѝ, полицијата почнала да се сомнева во него.

Дури и нејзината пријателка Дона Чиарелот споделила дека дечко ѝ бил „кретен“ и интелектуално не бил на исто ниво со неа.

Тој живеел во стан во близина на местото каде што било најдено телото на Дона, па полицијата соопштила дека имаат главен осомничен.

Но, дечкото на Дона бил толку вознемирен, што пробал да изврши самоубиство. Иако ова ги засилило сомнежите кон него, во изјава за медиумите, неговиот адвокат тврдел дека тој е невин и соработувал со полицијата.

Надлежните, пак, немале доволно докази кои укажувале на него, ниту докази за да обвинат некој друг.

Па, случајот за убиството на Дона останува нерешен повеќе од 50 години подоцна.

Спирова С. | Црнобело