Татко ѝ изгорел 20 милиони долари кеш за да ја стопли, живее во страв: Каде исчезна ќерката на Ескобар?

Откако надлежните го лоцирале во Меделин, Ескобар пробал да избега трчајќи по покривите на куќите од неговата населба.

Бркотницата завршила со неговото убиство.

По неговата смрт, неговата сопруга, заедно со децата, побегнале од Колумбија. Но, ниту една држава не сакала да им даде азил.

Тие пробувале да отидат во Мозамбик, Јужноафриканска Република, Еквадор, Бразил и Перу, но безуспешно.

Конечно во 1994-та, користејќи лажни имиња, успеале да се преселат во Аргентина.

Поминале неколку мирни години, пред сопругата на Ескобар и син му Хуан Пабло да бидат уапсени во 1999 година.

Биле обвинети за фалсификување документи и перење пари, поминале неколку месеци во затвор, и потоа биле ослободени поради немање доволно докази.

До апсењето на мајка ѝ и брат ѝ, Мануела живеела со нив, во зграда во Буенос Аирес.

Според некои колумбиски медиуми, тие имале милиони долари кеш, но сепак не живееле раскошно.

Но, овој живот, до апсењето, можеби бил добар за Мануела бидејќи одела на училиште, па дури успеала да стекне и пријатели на нејзина возраст.

Сепак, апсењето на брат ѝ и мајка ѝ го променило сето ова.

Иако биле ослободени по само неколку месеци, според некои извори, Мануела оттогаш живеела во постојан страв дека некој повторно ќе ѝ го растури семејството.

Со текот на вимето, нејзината мајка и нејзиниот брат почнаа да зборуаат во јавност за Ескобар, а имаат издадено и книги.

Мануела, од друга страна, дава сè од себе да се држи настрана од јавност.

Па, денес важи за една од најпознатите личности кои никој не знае каде се.

Според некои извори, Мануела неколкупати страдала од депресија, а менталното здравје постојано ѝ се влошувало.

Во голема мера, ова била причината зошто се држи настрана од јавност.

Нејзиниот брат, кој сега го користи името Себастијан Марокин, има изјавено дека во една пригода пробала да изврши и самоубиство.

Според него, Мануела уште живеела во страв дека некој ќе ја открие и ако некој го дознае нејзиното вистинско име, ќе се одмазди на нејзиното семејство.

Иако не е потврдено, се верува дека моментално таа живее со нејзиниот брат и неговата сопруга.

Денес Мануела би имала 40-тина години, па уште постои шанса да одлучи да ја раскаже својата приказна.

Спирова С. | Црнобело