Што навистина се случува во бракот на Доналд и Меланија (зад затворени врати)?

Според Доналд и Меланија, нивниот брак е совршен, тврдат дека немале ниту една караница, а на првата дама на САД воопшто не ѝ пречело што сопругот немал сменето ниту една пелена и не минувал воопшто време со нивниот син Барон.

Бракот на Доналд и Меланија е тема на разговор долго пред неговиот прв претседателски мандат.

Откако Трамп беше избран за претседател, уште повеќе почна да се зборува за нивниот навидум чуден однос.

На многу јавни настани изгледа како Меланија воопшто да не го поднесува, а има и неколку снимки на кои се гледа како се трга од него, дури и кога пробува да ја фати за рака.

Теории за нивниот брак има безброј, но што навистина се случува зад затворени врати?

Според нив, нивниот брак е совршен

Дури и најсреќните парови имаат караници, но Доналд и Меланија тврдат дека ова не важи за нив.

„Ние никогаш не се расправаме. Некогаш не се согласуваме, но тоа е во ред. Јас сум со мојот мозок, тој е со неговиот.

Јас му кажувам што мислам и тој го прифаќа тоа“, сподели Меланија пред неколку години.

И Доналд има изјавено нешто слично.

„Буквално никогаш не сме имале расправија. Многу сме компатибилни и добро се согласуваме“.

Ова го тврди и писателката која ја напиша биографијата на Меланија во 2020-та, според која тие имаат стабилен брак, заснован на разбирање.

„Доналд најпрво ѝ се јавува на Меланија откако ќе одржи говор или кога се соочува со проблем бидејќи ѝ верува. Тој не му верува на многу луѓе“.

На Меланија не ѝ се допаѓале политичките амбиции на Доналд

Во раните 2000-ти, извесен период Доналд и Меланија беа разделени.

Подоцна Меланија откри дека причината за ова биле амбициите на Доналд да се кандидира за претседател.

Сепак, по само неколку месеци, повторно се смириле и очигледно Меланија одлучила да го поддржи во намерата да почне политичка кариера.

Доналд ја има навредувано во јавност

Можеби тврдат дека приватно не се расправаат, но Доналд има кажувано навистина лоши работи за неговата сопруга.

Во шоуто на Хауард Стерн, Доналд користеше погрдни зборови за да го опише телото на Меланија во времето на бременоста.

„Жените се надуваат кога се бремени… на вистинските места. Меланија навистина стана чудовиште.

Но, мислам чудовиште во позитивна смисла. Стана многу, многу голема, но на вистинските места“.

Меланија проба да го одбрани Доналд, изјавувајќи дека тој не бил виновен што интервјуто се одвивало така и дека луѓето само сакале да го напаѓаат.

Доналд ја нарекувал „Џеки на стероиди“

Многу години пред Доналд да се кандидира за претседател, Меланија тврдеше дека ќе го поддржува.

„Ќе бидам традиционална сопруга. Како Бети Форд или Џеки Кенеди. Ќе го поддржувам“.

Сепак, кога дојде ред да го покаже ова, Меланија сподели дека нема да се меша во политика бидејќи тоа е професија на нејзиниот сопруг.

Но, токму Меланија била од огромна помош на едно од првите официјални патувања на Доналд како претседател.

Според изворите, посетата на папата Франциск можела да заврши катастрофално, но Меланија успеала да го шармира, но и да привлече позитивен публицитет со нејзините стајлинзи.

Поради ваквото позитивно влијание, Доналд почнал да ја нарекува „Џеки (Кенеди) на стероиди“.

Доналд бил отсутен татко

Доналд воопшто не се грижел за неговиот син Барон што го доби со Меланија, но нејзе не ѝ пречело ова.

„Тој не менуваше пелени и според мене тоа е сосема во ред. Тоа не ми е важно. Важно е да ја познавате личноста со којашто сте во брак.

Сите си ги знаеме нашите улоги. Јас не сакав тој да му менува пелени на Барон или да го заспива. Јас уживав во сето тоа“, сподели Меланија.

Меланија била потполно поразлична личност приватно

Во јавност, Меланија делува како студена личност, но според некои извори, приватно е многу поразлична.

Ова значи дека и нејзиниот однос со Трамп веројатно е поразличен кога се сами.

Според извор близок до парот, Меланија е многу грижлива личност и го мотивирала и Доналд да биде таков.

А, оваа нејзина страна ја гледал само тој.

„Меланија е како дух. Сите ја знаат, но никој всушност не ја познава“, вели изворот.

Доналд ја потсетувал на татко ѝ

Таткото на Меланија, Виктор, е само пет години постар од Доналд.

И, наводно, првата дама гледал многу сличности меѓу нив.

„Двајцата се многу вредни личности. Паметни се и способни. Пораснале во потполно различни околини, но имаат исти вредности и ги ценат истите традиции.

Татко ми е семеен човек, со традиција и вреден. Исто таков е и мојот сопруг“, има изјавено Меланија.

Експертите се сомневаат дека навистина им цутат рози

Американските медиуми честопати се консултираат со експерти за говор на телото за да можат да ги „прочитаат“ познатите личности, а ова се случувало и за Доналд и Меланија Трамп.

Според некои, според говорот на телото, Меланија се чувствува непријатно во близина на Доналд и меѓу нив сигурно нема љубов.

Други, пак, велат дека можеби приватно се вљубени и среќни, но Меланија едноставно не сака да биде во фокусот на јавноста па затоа реагира така.

Спирова С. | Црнобело