Корисни (и по малку шеговити) бонтон правила за во лето, кои културните луѓе никогаш не ги прекршуваат

Не се прегрнувајте со луѓе ако сте испотени, не одете во маркет по костил за капење или пешкир, не се сончајте на тераса полуголи – никој не сака да ве гледа додека пие кафе, не пакувајте храна од шведска маса во салфетки, не оставајте знаци од интимни односи ако сте со пријатели во сместување...

На културните луѓе со манири не треба да им се повторуваат некои основни правила, независно каде се наоѓаат.

Сепак, кога сме на одмор, може малку да се опуштиме и да се подзаборави на некои правила за однесување.

А секако, постојат и оние кои немаат никакви манири, па не е лошо секој да прочита...

Некои ќе ве насмеат, други ќе ве освестат:

1. Мажите може да бидат без маица само кога се на плажа, покрај базен, во бич бар или близу плажа ако спортуваат, но не секаде да се шетаат голи и да седат во ресторани без маица.

2. Додека сте покрај вода или движите на кратка релација од сместување до плажа, може да бидете по костим за капење или замотани со пешкир, во спротивно, покријте се со облека.

3. Кога го навалувате потпирачот на седиштето додека патувате, правете го тоа полека, за ако некој има ставено нешто на послужавникот, да има време да реагира за да не му паднат и секако, оставете доволно простор за нозете.

4. Користете антиперспирант, посебно во лето на сите им е потребен, независно дали ќе биде природен или каков и да користите, бидете обѕирни за околината...

5. Ако сте многу испотени, а поголем дел од кожата ви е непокриен, избегнете да се прегрнете со некого, доволно е да пружите рака.

6. Не барајте од непознати (и туѓи) личности од спротивниот пол да ве мачкаат со крем за сончање на плажа.

7. Ако престојувате со партнерот во ист апартман/куќа со пријатели, за сите би било пожелно да се воздржите од интимни односи, но секако во ред е и да го направите тоа, но никако немојте да сте гласни, ниту да оставате некакви траги и знаци...

8. Кога сте на одмор, во ред е да се напиете коктел и порано во текот на денот, но тоа да биде умерено и да не сте гласни и да пречите некому околу вас.

9. Не си дозволувајте да карате туѓи деца на одмор, но ако се прегласни и нападни, може културно да им кажете: „Не се трча околу базен, може да паднете“ или „Гласното викање може да им пречи на постарите луѓе кои одмараат“.

10. Не, не е во ред да уринирате во базен, ниту во море, независно што никој нема да знае и што е голема површина.

11. Немојте да пакувате храна од шведската маса во салфети и да ја изнесувате од ресторанот од хотелот каде што престојувате.

12. Не е срамота да станете и 5 пати да си доставите јадење од шведска маса, но не е културно да натрупате одеднаш куп храна која на крај ќе остане неизедена и ќе се фрли.

13. Бонус: Не е прифатливо да се сончате (полу)голи на тераса, доколку соседите може да ве гледаат. Дали вие би сакале да ги гледате голи соседите додека пиете кафе?

М. М. | Црнобело / фото: CRNOBELO.com - генерирано со AI