Хуманитарна тоалетна хартија

Ако ви кажеме дека има интернет пренос од некој дечко кој цел ден седи во wc, по којзнае кој пат ќе си речете дека светот полуде. Но, ако ви кажеме дека истиот дечко сака да го промени овој луд свет на подобро веројатно ќе ја ѕирнете неговата Who Gives A Crap веб страна.

Simon Griffiths вети дека ќе седи на шолја додека не собере $50.000 долари од продажбата на нов вид рециклирана тоалетна хартија. Целта ја оствари многу побрзо од очекуваното, па по 50 часа во wc конечно отиде да одмори.

Необичната кампањата Who Gives A Crap успешно го привлече вниманието кон Simon и неговата намера да донира 50% од заработувачката за изградба на тоалети и подобрување на санитарниот систем во земјите во развој.

Навидум несериозниот подвиг на младиот филантроп е обид да се реши барем дел од еден голем светски проблем - дури 2,4 милијарди луѓе немаат пристап до соодветна санитација.