7 совети како да си го организирате плакарот со алишта

За да го олесните изборот на вистинското парче облека потребен ви е плакар во кој се ќе биде подредено и на дофат.

Често се случува само два дена по селектирањето и подредувањето повторно да се изгубите низ полиците и закачалките. Ви нудиме неколку едноставни решенија кои ќе го олеснат вашето секојдневие.

1. Ослободете се од вишокот облека.

Доколку чувате парче облека кое не сте го облекле повеќе од 6 месеци, голема е веројатноста дека никогаш повеќе нема да го облечете. Наместо да го фрлите, позајмете го на некоја пријателка на која знаете дека и се допаѓа. Не дозволувајте облеката која не ја носите да ви зафаќа простор.

2. Чувајте ги на виделина парчињата кои често ги носите.

Погрижете се омилените фармерки и маица да ви бидат секогаш на дофат. Бидејќи често ги носите, не дозволувајте на секое нивно вадење од плакарот да се направи неред.

3. Распоредете ја облеката според тип и боја.

Црните панталони на едно место, фармерките подредени од најсветли до најтемни, белите секојдневни маички на најблиската полица... Најлесен начин да се снајдете во плакарот е според бојата. А и делува навистина стилски уредено.

4. Спакувајте ја вон сезонската облека.

Најлесен начин за да добиете простор е пакувањето на зимската облека сред лето или обратно.

5. Употребувајте еден вид на закачалки.

Обидете се сите закачалки во плакарот да бидат од ист материјал, без оглед дали се дрвени, железни или прекриени со материјал. Визуелно создаваат среден простор.

6. Направете простор за додатоците.

Каиши, чевли, чанти ... Сите треба да се правилно подредени, на место лесно дофатливо и прегледно. При секој избор на каиш и соодветна чанта нема потреба да правите хаос.

7. Диплете правилно.

Џемперите или фармерките кои е ризично да ги чувате на закачалка здиплете ги правилно и повторно подредете ги по боја.