Погответе вкусно викенд задоволство: Браунис со вкус по желба

Ова се апсолутно највкусните, најсочните и најмеките браунис некогаш!

Ние се обидовме со додавање на многу различни работи во тестото и секогаш испаѓаат преубаво. Можете да додадете сè што сакате!

Со додавање на различни состојки може да правите различни браунис секоја недела или дури и секој ден.

Подготовката е многу едноставна. Додајте се што ви се наоѓа при рака и нема да ви се верува колку ќе се вкусни.

Основниот рецепт е за 16 парчиња, но вие секогаш можете да ја дуплирате дозата, да ја ставите содржината во малку поголемо тавче и да додадете неколку минути за печење.

Вкупно време за подготовка: околу 35 минути

Време за печење: (околу) 25 минути

Основни состојки:

- ½ чаша (за млеко) путер, стопен

- ½ чаша какао

- 1 чаша шеќер

- 2 јајца

- 2 чајни лажички ванила

- ½ чаша брашно

- ¼ чајна лажичка сол

Додатоци за тестото(наш предлог):

- 1-2 чаши сецкано чоколадо (млечно, за готвење, бело, со било каков вкус)

- 1-2 чаши суво грозје

- 1-2 чаши сецкани ореви (или лешници, кикирики, бадеми..)

- 1-2 чаши M&M’s

Подготовка:

1. Загрејте ја рерната на 175°С.

2. Подмачкајте го тавчето(правоаголно, со дијагонала од околу 23cm) или ставете хартија за печење.

3. Во длабока чинија ставете ги путерот и какаото и мешајте додека смесата стане хомогена.

4. Додадете го шеќерот и мешајте додека шеќерот не се растопи.

5. Додадете ги јајцата едно по едно и мешајте се додека смесата не стане еднолична.

6. Додајте ги ванилата, брашното и солта, и мешајте се додека брашното не се претопи во смесата.

7. Во смесата додадете ги посакуваните вкусни додатоци (чоколадо, суво грозје, лешници итн).

8. Распоредете ја смесата во тавчето и печете околу 25 минути.

9. НЕМОЈТЕ ДА ГИ ПРЕПЕЧЕТЕ! - затоа што тогаш браунисот ќе бидат суви. Прилагодете ја температурата и времето на печење на вашата рерна. Ако сакате да го проверите тестото со нож/чепкалка, треба да има малку трошки на нив, не да бидат чисти.

10. Остајте колачот да се олади пред да го сечете на коцки.

11. За дупла доза, печете во поголемо тавче и додајте уште некоја минута за печење.

Кој ќе направи нека ни прати слика, а може и да ни донесе да пробаме