10 причини зошто го сакаме декември

Декември е првиот месец од зимата. Зимурливите баш и не му се радуваат, но постојат неколку работи кои прават овој месец да биде еден од оние во кои навистина може да уживате.

Ова се 10 причини зошто ние го сакаме декември:

1. Во декември најчесто паѓа првиот снег. Заборавете на проблемите, годините и радувајте му се на снегот како мало дете. Направете снешко, санкајте се, мавајте се со снежни топки.

2. Градот е накитен. Владее празнична атмосфера и насмевки на лицата на луѓето.

3. Може да уживате во вкусните потпечени костени на уличните продавачи.

4. Вареното вино е најслатко во декември. Мммм...

5. Магијата на украсување на домот. Семејното китење на елката е момент во кој уживаме сите.

6. Се будат зимските спортови – скијање, бордање, лизгање...

7. Предновогодишните забави насекаде низ градот. Побудалени луѓе од шопинг и алкохол, па сите делуваат среќни.

8. Кога снежи, а вие сте дома на топло, покрај камин, со чашка вино во рака и саканата личност до себе.

9. Храната – во декември стигнува киселата зелка што значи почеток на сарма сезоната и подварок. И туршијата е спремна за мезење со ракија.

10. Рекламите на Кока Кола – потсетуваат на детството, магијата на празниците кои не очекуваат и носат позитивна енергија.

Имате да додадете уште нешто?