Најпознатите коктели

Коктелите отсекогаш се сметале за омилен пијалок, посебно меѓу ѕвездите. Како што се ближи летната сезона се отвара и коктел сезоната. Ви...

 

...претставуваме дел од најпопуларните коктели во светот. Пробајте да ги подготвите, но конзумирајте совесно.

Cosmopolitan
Познат уште како Cosmo, испопуларизиран најмногу поради “Сексот и градот“. Главната состојка на Cosmo е водка. Ако сакате да го подготвите покрај водка потребно ви е и џус од боровинка, ликер Тriple Sec и исцеден сок од лимон. Откако ќе ги измешате состојките сервирајте го во мартини чаша, без мраз и украсете го со парчиња зелен лимон.

Margarita
Вкусната Маргарита е најпознатиот коктел базиран на текила. За да го подготвите покрај текила потребен ви е и ликер Triple Sec (секогаш имајте го при рака во фрижидерот посебно ако сте љубител на коктели), и свежи лимони. Уживајте во Маргаритата во голема чаша за коктел, со сол на краевите и обавезно коцки мраз.

Mojito
Тропски коктел популарен посебно во егзотичните дестинации. Комбинација од Кубански или Филипински рум со кафен шеќер, сода и свежо исцеден зелен лимон, зачинет со ливчиња нане. Сервирајте го во висока чаша со ситен мраз и уживајте!

Pear Martini
Омилен помеѓу девојките. Најдете водка со арома на крушка (најдобро Абсолут), свежо исцеден грејпфрут и сок од лимон. Измешајте ги состојките и ставете ги во коктел чаша украсена со тенки парчиња крушка.

Madera Eggnog
Ќе ви биде потребно малку повеќе време за подготовка, но потоа ќе уживате во вкусот. Потребно ви е јајце, шеќер, млеко и бренди. Првите три состојки се варат а потоа се додава брендите. Погоден е за постудените денови и навистина ќе ве загрее.