Кој ден сте родени?

Околу некои бои се чувствуваме одлично, било да станува збор за облеката која ја носиме, ѕидовите во канцеларијата во која работиме, завесите во спалната соба или омилените чаши за кафе.

За да откриете кои бои најмногу ви одговараат, проверете на кој ден сте родени. Со секој ден од неделата управува одредена планета, и секој ден симболизира по една боја.

Ако сте родени во:

Понеделник – ден на Месечината
Меланхолични сте, романтични и подложни на промени во расположението. Внимателни сте и скептични. Иако сакате мирен живот, не ви оди од рака да го постигнете ова. Можете да бидете успешни во креативни и уметнички професии. Иако сакате бела и сина треба почесто да носите зелена боја затоа што ја истакнува вашата упорност.

Вторник – ден на Марс
Отворени сте, динамични, секогаш активни, поседувате непресушен ентузијазам и борбеност. Посесивни сте, а умеете да и да се одмаздувате. Сигурни сте во себе и своите способности. Сакате црвена боја, но би било добро да носите и портокалова и кафена.

Среда – ден на Меркур
Посакувате животот да ви личи на некој авантуристички роман полн со изненадувања и непредвидливи настани. Ве привлекува се што е ново. Имате осет за бизнис и секогаш сте настроени кон критика. Никогаш не одмарате, секогаш брзате, а здодевност и неактивност ве „убиваат“. Сакате жолта боја, а треба да носите и сина која ги смирува вашите нерви.

Четврток – ден на Јупитер
Потешкотиите и проблемите ги решавате релативно лесно. Великодушни сте, одлучни, стабилни, влевате доверба, делувате безгрижно. Реални сте и објективни – не градите кули во воздух. Окружете се со сина боја – таа смирува и ја истакнува вашата чувствителност, нежност и хуманост.

Петок – ден на Венера
Трудете се секогаш да делувате расположени. Сакате одмор, забава и патување. Склони сте често да планирате , но и се откажувате од вашите планови или замисли ако не ви се допаѓаат. Зелената боја може да ви помогне да воспоставите рамнотежа меѓу телото и духот.

Сабота – ден на Сатурн
Амбициозни сте, прецизни и методични. Чувствителни сте и имате богат внатрешен живот. Склони сте кон самоиспитување и поседувате истражувачки дух. Не поднесувате користољубиви личности, но треба да разберете дека луѓето имаат и мани. Иако сакате бела и црна боја, жолтата ве поттикнува на акција и ви го подигнува расположението.

Недела – денот на Сонцето
Зрачите со оптимизам и сте полни со ентузијазам. Динамични сте и борбени, работите и живеете надвор од постоечките норми и сте полни со изненадувања. Рафинирани сте, достоинствени, праведни, одлучни. Треба да носите бела боја затоа што таа ве прави почувствителни и сензибилни.