Подгответе домашни Манчмелоу коцки

Слаткиот вкус на пената и чоколадото на Манчмелоу колачињата сега можете да го подготвите и во домашни услови. Со овој рецепт, за само неколку минути ќе го добиете омилениот вкус од детството.

Состојки:

Кора:

• 1 ½ шолја брашно
• 1 кесичка прашок за печиво
• 2 лажички какао
• 1 ½ шолја млеко
• 1 ½ шолја шеќер
• 1 шолја масло
• 6 јајца

Фил:

• 6 белки
• 12 лажици шеќер

Глазура:

• 200 гр чоколадо за готвење

Подготовка:

Започнете со матење на 6те жолчки и шеќерот. Постепено додавајте го млекото, маслото, какаото и прашокот за печиво.  На крај додадете го брашното и матете ја смесата додека не се соедини.

Поставете ја на тава обложена со хартија за печење и печете на 180 степени околу 20 минути.

Во меѓувреме изматете ги белките и шеќерот и размачкајте ги врз кората. Вратете во рерната и печете најмногу 5 минути.

На крајот, кога матените белки ќе се зацврснат, прелијте со топено чоколадо за готвење и оставете го колачот да се олади.

Исечете мали коцкички и уживајте!