Подгответе: Домашно Фереро колаче

Во овие топли летни денови, доколку имате малку слободно време, направете слатко задоволство за вас и вашите најблиски. Ви гарантираме - тешко ќе му одолеат.

Состојки за пандишпан

• 5 јајца
• 100 грама чоколадо
• 150 грама шеќер
• 70 грама брашно
• Еден ванилин шеќер
• 30 грама лебни трошки
• 3 лажици мелени ореви
• 70 грама путер
• Еден прашок за пециво
  
  

Состојки за фил

• 50 грама маскрапоне сирење
• Пола литро слатка павлака
• Нутела по желба
• 100 грама грубо мелени лешници
• 100 грама сечкани наполитанки
  
  

Состојки за прелив

• 200 грама чоколада за готвење
• 2-3 лажици масло
• 1dl топло млеко
• 4 лажица какао
  
  

Стопете ги путерот и чоколадото на пареа и оставете да се изладат. Во голем сад измешајте ги жолчките заедно со шеќерот, па додајте брашно, прашок за пециво, лебните трошки, растопеното чоколадо и белките. Пренесете ја смесата во тава и печете на 200 степени околу 30 минути.

Кога ќе се испече пандишпанот, оставете го да се олади па исечете го на три дела и преминете на подготовка на филот. Измешајте ја слатката павлака, сирењето и нутелата, ама немојте да претерувате. Во меѓувреме направете чоколаден прелив од останатото чоколадо, какао, масло и млеко.

На крај изберете соодветна чинија на која ќе го припремите колачот. Постапката е едноставна. Првиот дел од пандишпанот го премачкувате со филот и врз филот нанесувате слој од исецканите лешници и наполитанки. Над него додајте го вториот дел пандишпанот па за третиот повторувајќи ја постапката.

Декорирајте по желба, и уживајте.