Топ 5 работни места кои секој би ги посакал

Интересните работи и занимања навистина постојат. Можеби не звучат престижно или не се високо платени, но сепак сите би посакале да ги работат.

Еве неколку од нив:

Чувар на рајски острови

Да, постојат луѓе чија работа е да ги чуваат рајските острови на земјата. Тие луѓе се платени за да ги чуваат луксузните ресорти, а во слободното време дозволено им е и нивно користење. Кој не би посакал да работи пливајќи во базени и опуштајќи се на песочните плажи?

Проверка на „медените дестинации"

Луѓето задолжени за проверка на дестинациите препорачани за меден месец ги има низ целиот свет. Тие се задолжени да ги запишуваат сите добри и лоши страни на пакетот за младенци кои се понудени во туристичките агенции. Многу е тешко да се стигне до оваа позиција, но секој кој успеал е голем среќник!

Личност која ги тестира водените тобогани

Сите сакаат водени паркови со различни атракции, но постојат и луѓе кои мора да ги испробаат пред да бидат пуштени во употреба. Оваа работа сите би ја посакале, посебно во летниот период.

Дегустатор на вина

Можете ли да замислите како живеете на огромна плантажа, додека учите како се прават разни вина и заработувате така што давате одобрување и мислење за сите нив? Тоа е уште една работа од соништата.

Испробување бонбони

Нема личност која не сака чоколадни и овошни бонбони. А, замислете работа да ви беше да ги испробувате секој ден... Најслатката работа на светот, буквално!

Која би ја избрале вие?