Како омилените патики и балетанки да ги направите водоотпорни?

Едвај чекавте да дојде пролет за да си ги облечете омилените старки или лесните балетанки, но дождот никако да престане. Сигурно не сакате да ги носите чизмите и чевлите на високи потпетици по цел ден, но мора некако да се заштитите од водата за да не пливате во нив.

За овој проблем има брз и едноставен трик.

Потребно ви е:

- пчелин восок

- ракавици

- фен за коса

Ставете ги ракавиците, па со восокот тријте го платното по должина на патиките или балетанките. Нека не ве изненадува ако на платното се познава бела трага, како од сапун.

Откако ќе ги премачкате, земете фен за коса, насочете го кон платното и  загревајте додека восокот не се стопи и белата трага не исчезне.

Оставете ги да отстојат пет до десет минути.

Доколку се плашите дека ќе ги уништите омилените, пробајте прво на некои стар пар.

Пчелниот восок создава водоотпорен слој кој нема да ја уништи ниту бојата ниту платното.