Патува низ Европа со едно прашање: Може ли да јадам од вашиот контејнер?

Сите сме свесни дека се фрла огромна количина храна, како остатоци кои не се дојадуваат или вишок произведена храна, а во светот има милиони гладни луѓе.

Токму од тие причини еден млад Французин тргнал на пат низ Европа со својот велосипед и одлучил да помине пат долг 3.000 km, а попатно се хранел со она што го наоѓал во контејнерите.

Баптист Дубаншет тргнал на пат од Париз во април и до сега поминал низ Луксембург, Белгија, Холандија и Чешка Република, а на своето патување не потрошил ни едно евро за храна.

На својата веб страница „Глад во светот“, ја напишал неговата цел на оваа авантура, а тоа било да докаже дека производството на храна ги надминува потребите на оние за кои се прави тоа, па огромно количество храна се фрла во контејнерите.

Истовремено, во светот има многу гладни кои не можат да си дозволат да го платат остатокот за да го добијат.

Исто така, сакал да ја подигне свеста за тоа дека многу од компаниите можат, но не донираат храна.

Во хотелите и рестораните, попрво ќе ја фрлат храната во контејнер, отколку да ја спакуваат и испратат онаму каде е неопходна.

Милиони деца умираат од глад, а контејнерите се полни со храна која може да се јаде. Токму тоа го покажал Баптист преку личен пример, одејќи низ градовите и замолувајќи ги во хотелите и рестораните, тоа што планираат да го фрлат во контејнер само да му го остават на страна.

Дури ни самиот не бил свесен колку огромно количество на храна е тоа, сè додека не ја собрал на едно место.

Со ширењето на неговата приказна, се шири и пораката за поголема свесност, но засега сè уште не се донеле одредени мерки за заштита, спасување и помош на гладните.