Фотографот кој ја следи девојката: Таа кажа „Да“!

Сигурно се сеќавате, на еден од најинтересните парови и необичната љубовна приказна во која фотографот Осман Мурад ја следи својата девојка Наталија Захарова низ светот.

Таа го држи за рака, а тој ја фотографира додека шетаат низ земјите и градовите.

Првично сè почна од забава, но по првиот објавен серијал со фотографии, екстремната популарност и позитивни коментари кои ги добија, ги наведоа да продолжат.

Во вториот дел каде патуваат во уште поегзотични места од првиот, целата приказна се разви во проект „Следи ме“ (Follow me) кој се споделуваше и се ширеше на социјалните мрежи, како една од најубавите љубовни приказни.

Конечно, фотографот кој ја следеше својата девојка успеа да ја „фати“ засекогаш и да ја побара за жена.