Успехот те прави подобар, но неуспехот ќе те направи најдобар!

Некои ќе се запрашаат како е можно неуспехот да ве прави подобри од успехот, но доколку се подзамислат ќе сфатат за што станува збор.

Доколку сè уште не сфаќате во прилог е продолжение кое ќе ви објасни поопширно:

- Кога си среќен, не се обидуваш да бидеш посреќен, но кога си тажен, се обидуваш да се развеселиш. Со тоа ја учиш тајната на твојата среќа со која можеш да се развеселиш во секое време.

- Кога ги поседуваш големите работи, не внимаваш на ситниците, но кога ќе ги снема ситниците сфаќаш дека големите работи биле составени од нив. Тогаш учиш дека деталите се најважни.

- Кога имаш сè или си мислиш дека имаш сè, не правиш ништо за да ги достигнеш своите соништа, но кога немаш ништо или имаш неостварени цели, ти се трудиш секој ден да ги оствариш. Така ги осознаваш своите граници и можности за кои сфаќаш дека се бесконечни.

- Кога имаш љубов или мислиш дека имаш љубов, не се трудиш да ја задржиш, но кога ја немаш, ја посакуваш и знаеш како би ја зачувал и продолжил кога ќе ја имаш во своја прегратка. Тогаш сфаќаш дека таа е причината за твоето постоење која не треба да ја земаш здраво за готово.

- Кога се наоѓаш на седмо небо се чувствуваш добро и сакаш да останеш таму не размислувајќи дали постои осмо небо кое сакаш да го достигнеш, но кога еднаш ќе паднеш на земја и ќе го дофатиш неуспехот за рака кој ќе те крене, тогаш ќе сфатиш зошто тој те прави најдобар, за разлика од успехот кој те прави само подобар од претходно!

Ете затоа успехот те прави подобар, но неуспехот те прави најдобар!

Кое е вашето мислење околу оваа тема?