Проверете дали го носите вистинскиот градник

Сите девојки знаат колку е тешко да го најдат идеалниот градник, кој ќе ги задоволи сите нивни потреби за соодветна големина, облик, дезен и функционалност.

Некои не знаат ниту како да проверат дали е тоа што го бараат. Но, постојат некои трикови со кои лесно може да дојдете до решението.

Најпрво измерете го обемот под градите, а потоа добиениот резултат заокружете го на првата гранична вредност.

На пример, ако вашиот измерен обем е 73 cm, заокружената големина е бр.75 или ако обемот ви е 88, ваша гранична вредност е бр.90.

Исто така, доколку имате можност најдобро би било да го пробате градникот на самото место каде купувате. Ако имате поголеми гради, наместете ги, така што добро ќе изгледаат во корпите.

Добриот градник би требало да ги држи градите, да не ве стега и да можете да ставите два прста под закопчувањето одзади. Притоа секогаш кога пробувате треба да го закопчувате на последната кука за да сте сигурни дека е доволно удобен.

Градникот секогаш перете го рачно, во ладна вода и сушете го закачен на закачалка. На овој начин ќе го зачувате неговиот квалитет, а ќе му го продолжите и просечниот рок на траење од околу осум месеци на една година, зависно од произведувачот.

Доколку од градникот се извади жицата или на кој било начин ви стане неудобен, време е да го замените.

Погледнете ја постапката во видеото:

Извор